هزرێن پێخواس
گولشەنگ
ڤان هزرێن پێخواس
لسەر شوستەیێن دلی
بانگێ وەغەراتە دهەلدێرن
تە دكەنە پیرۆزیا
سەربۆرا من یا قرقچی
و گۆتنێت تەلەدین و‌لالوتە
یێ من دشێوینن و
تە ژی تێكەلی دومانێ دكن
ئەزا رەپ و رویت
دناڤ چۆنا تەدا
تێر دگرنژم
پا ئێدی…
ئەز چەوا ڤەحەویێم و
رەشمالا نێزیكی یا تە
یا هەلوەشیایی و خرابەیە
ئەڤێ نیڤە رۆژێ
ئەزێ لبەر سیبەرا بنەدارا كیژ هیڤی یێ
روونم
و كیژ بیرۆكە
من ل بن چەنگێت زیندەمانا خۆ
ڤە چەمینت
وەكی زارۆكان
یا یاریا ب دەمی دكم
چركە چركە
لبەر ئاوازێت میلێت دەمژمێرێ
ئەز و ژمارە
دهەلپەرن
چ خۆش گۆڤەندە…
لسەرێ مینبەرا بەختێ بوهارێ و
ژۆردا
ل پەنجەرێت ژیانێ مێزە دكن
و توو
مشتی نەرینا من دبی
تە ل بیرا من دكن
وەختێ كەسی گوه ل پەیڤێت مە نەیی
هەڤۆك دگرنژین
من دگۆت
دێ تە د زیندەمانا خۆ دا سیمەكم
دێ بۆ من بیە
بەخت رژینك
گزنگ پەشینك و
شاد هەلینك
بەلێ تە هایش دەنگێ من نەبی
گۆتنێت تاوی
ئەز دبەندەمانا دەوسێن خۆدا
زیندان و سنووركرم
خەریبیێن زەرپەتخی
تژی ناڤ دیواران كرن
شەڤ…
هەڤدەرا رۆژێت من كرن و
ئێدی خەونان
قەترە ناكم
هەموو چیرۆكێت دلداریێ
ژبیرا من برن
هزر…د هزردانكا من دا
بێ پێژن كرن و
دلێن هۆڤی
بینە وێرسێن ئەلندێ و
ئەم لبەر لێڤێت ئاڤابوونێ
رۆژێ سەد جارا دتەحسن
تُتاح هذه الصورة أيضا في: کوردی
