سامیا شنگالی “گوندێ وێران” بەلاڤكر
تۆرا لالش یا راگەهاندنێ 
پشتی ماوەیەكی دووركەفتنێ ژ كارێ هۆنەری،هۆزانڤانا كچ(سامیا شنگالی) هەلبەستا(گوندێ منێ وێران) بەلاڤكر كو لسەر وێرانكرن و خرابكرنا گوندێن شنگالێ یە لسەر دەستێ تیرۆرستێن داعش.
سامیا شنگالی،بۆ رۆژناما دەنگێ لالش ئاشكەراكر،پشتی بۆ ماوەیەكی ژ كارێ هۆنەری دووركەفتیم دنووترین كارێن خۆ دا هەلبەستەك بناڤێ(گوندێ منێ وێران) چێكریە و هاتیە بەلاڤكرن،كو دەربرینێ ژ ئێش و ئازارێن ئێزدیان دكت و ناڤێن گوندێن شنگالێ یێن زۆری و زۆرداری لێ هاتیە كرن لسەر دەستێ تیرۆرستێن داعشێ خویاكرینە،ئارمانجا من ئەوە بۆ جیهانێ دیار بكەم كا چاوا داعش مال و ژیانا خەلكێ تالانكریە.
وێ هۆزانڤانێ راگەهاند،چەندین هەلبەست لسەر وەلات و جانگۆریان و دەیك و جەژن و هەلكەفتێن ئایینی و ئۆلی هەنە،زێدەباری وێ چەندێ نهۆ ژی دوو سترانێن ئەڤینی چێكرینە بناڤێ(ناڤ چاڤێ من ڤەبوو دلێ من كەنیە) و(كەچا شرین) لبەر ل داهاتی تۆمار بكەم ئەگەر هاریكاری بێتە كرن.
تُتاح هذه الصورة أيضا في: کوردی
