بەهرەمەندەكی شنگالێ نێزیكی100 تابلۆیان لسەر جینۆسایدا ئێزدیان و جڤاكی چێكرینە
تۆرا لالش یا راگەهاندنێ
وێنەكێشێ زارۆك و ژێهاتی بەهرەمەند(نەشوان خەلۆ) دڤی تەمەنی دا خودان شیانێن گەلەك مەزنە دكارێ وێنەكێشانێ دا،هەتا نهۆ نێزیكی(100)تابلۆیان لسەر جینۆسایدا ئێزدیێن شنگالێ و جڤاكی چێكرینە.
بەهرەمەند(نەشوان خەلۆ)بۆ رۆژناما دەنگێ لالش خویاكر،ب هاریكاریا بابێ خۆ فێری كارێ وێنەكێشانێ بوویمە،بتریا تابلۆیێن من ب ژیانا خەلكێ و سروشتی ڤە گرێدایی بوون،لێ پشتی جینۆسایدا بسەرێ ئێزدیان دا هاتی ل شنگالێ لسەر دەستێ رێكخراوا تیرۆرستیا داعشێ و خەلكێ مە دەربەدەر و ئاوارەبووی بفەر دیت ب رێیا تابلۆیێن خۆ دلۆپەكێ ژ ڤێ جینۆسایدا مەزن نیشا هەموو جیهانێ بدەم،هەروەسا گەلەك ژ تابلۆیێن چێدكەم ب وان تشتێن كارتێكرنێ ل جڤاكی دكن بۆ نموونە پێكڤەژیان و شووكرنا پێش وەخت ڤە گرێداینە،هەتا نهۆ نێزیكی(100)تابلۆیان هەنە و لسەر كارێ خۆ بەردەوامم.
هەروەسا ئاماژەكر،پشكداری د چەند خۆلێن وێنەكێشانێ ل كەمپا ئێسیان دا كریە و دڤێت بەهرەیا خۆ پێشبێخم،ل پاشەرۆژێ ببم وێنەكێشەكی بناڤ و دەنگ.
نەشوان خەلكێ قەزا شنگالێ یە و نهۆ وەك ئاوارە ل كەمپا ئێسیان دژیت.
تُتاح هذه الصورة أيضا في: کوردی
