ئارمانجا وی دكیۆمێنتكرنا كەیسا ئێزدیایە
تۆرا لالش یا راگەهاندنێ
وێنەگرەكی شنگالێ چەند فلمێن دكیۆمێنتی و راپۆرت لسەر كەیسا جینۆسایدا ئێزدیان ل شنگال و گرتیێن د دەستێ داعشێ دا و رەوشا ئاواران ل كەمپان دا چێكرینە،ئارمانجا وی ئەوە كەیسا ئێزدیان بێتە دكیۆمێنتكرن وەك فەرمانێن بەری نهۆ نەئێتە وەنداكرن.
(خەلەف موراد)ئێك ژ وێنەگرێن دەڤەرا شنگالێ یە د دیدارەكێ دا بۆ رۆژناما دەنگێ لالش دیاركر،ل سالا(2006)ێ من دەست ب كارێ وێنەگەریێ كریە و نڤیسینگەهەكا وێنەگریێ بناڤێ سوزان ڤیدیۆ ڤەكریە،ل دەمێ كۆمكوژیا شنگال ل(3/8/2014)ێ چەندین راپۆرت و فلمێن دكیۆمێنتی لسەر كۆمكوژیێ و كەیسا ئێزدیان و گرتیێن د دەستێ داعشێ دا و رەوشا ئاواران ل كەمپان دا چێكرینە و داینە چەند كەنالێن تەلەڤزیۆنی،ئارمانجا من ئەوە ئەڤ كەیس بێتە دكیۆمێنتكرن وەك فەرمانێن بەری نهۆ نەئێتە وەنداكرن.
خەلەفی ئاماژەكر، پشتی بۆرینا نێزیكی سێ سالا بسەر كۆمكوژیا شنگال دا جارەكا دی نڤیسینگەها خۆ یا وێنەگریێ(سوزان ڤیدیۆ) ڤەكر،ژبۆ كارێ داوەتان و ڤیدیۆ كلیپا بەرنامێن تلەڤزیۆنی و گرۆپەكی وێنەگرا ژ كچ و كورێن شنگالێ تێدا كاردكن.
تُتاح هذه الصورة أيضا في: کوردی
