دەرفەت نەهاتیە پێشانگەهەكێ ڤەكت
تۆرا لالش یا راگەهاندنێ
شێوەكارا كچا ئێزدی(پاكیزە سەعید دربۆ) د دیدارەكێ دا بۆ رۆژناما دەنگێ لالش راگەهاند،هەتا نهۆ وێ پتر ژ(100) تابلۆیان لسەر نەخۆشیێن كچا ئێزدی چێكرینە و دەرفەت نەهاتیە پێشانگەهەكێ ڤەكت.
ناڤهاتی خەلكا شنگالێ یە و نهۆ ل قەزا زاخۆ ئاكنجی یە دیاركر،پتریا تابلۆیێن چێكرین ب نەخۆشیێن كچا ئێزدی ڤەنە ل دەما(3/8/2014)ێ رێكخراوا تیرۆرستیا داعشێ دەڤەرا شنگالێ داگیركری و ب هەزاران ژ خەلكێ مە كەفتیە دناڤ دەستێن وان دا و ب تایبەتی كچ و ژن،هەتا نهۆ من چ پێشانگەه ڤەنەكرینە لێ بەردەوامم لسەر چێكرنا ئەڤان جۆرێن تابلۆیان هەتا كو رۆژەك بێت و ب دەرفەت ببینم پێشانگەهەكێ ڤەكەم.
هەروەسا گۆت: ب درێژاهیا دیرۆكێ ئەو هەموو فەرمان و مال وێرانیا كو بسەر ئێزدیان دا هاتی كچ قوربانیا ئێكێ بوویە ب گرتن و دەستەسەركرن و دەست درێژێ لێ هاتیە كرن،هیڤیا من ئەوە رۆژە بێت كچا ئێزدی ژی ب گەهتە مافێن خۆ.
تُتاح هذه الصورة أيضا في: کوردی
