پێشمەرگەیەك دناڤا دژواریا ئاگرێ شەری دا پێنووسی بكاردئینت
تۆرا لالش یا راگەهاندنێ
(وەلید عەبدلكەریم مەحمود)كوبەرنیاس ب(چاڤ شین)ئێك ژئەفسەرێن پێشمەرگەی یێن چەلەنگە دسەنگەرێن پێشیێ یێن شەری دا ل دژی داعش، دناڤا دژواریا ئاگرێ شەری دا پێنۆسی بكاردئینیت و دكارت رۆمانەكێ بناڤی(الهتكم تخجل ایها الكورد) ئانكو ب كوردی (خوداوەندێ هەوە شەرمێ ژخۆ دكەت گەلی كوردا)پێشكێشی مللەتێ خۆ بكت.
ئەفسەرێ پێشمەرگەی(وەلید عەبدلكەریم مەحمود) ئێك ژ پێشمەرگێن رۆژئاڤایێ كوردستانێ یە ل هێزا رۆژ كو نهۆ ل ئاسكێ مووسل دئەركێ پاراستنا وەلات دایە،بۆ رۆژناما دەنگێ لالش دیاركر،ل دەستپێكا هاتنا خۆ بۆ ناڤا رێزێن پێشمەرگەی من هزر دڤێ رۆمانێ دا كر كو بكارم وەك هەرخەلكەكێ جیێن پیرۆزێن خۆ بدەم ناسین وبها گرانیا وان كو مەژی جیێن پیرۆزێن خۆهەنە وزۆر گرنگە گرنگیێ پێ بدەین وبنیاسن كو ئەم ژی خودان پەرستگەهـ وشوونوارێن دیرۆكی نە،رۆمانا من هەلگرا بابەتێن سیاسی و رەوشەنبیری هەمەرەنگە،گۆتژی دبەرێ دا وی هۆزان چێكرینە وگۆتینە ل هەلكەفتێن مە یێن نەتەوی دا دەرفەت چێنەبوو چ بەرهەما پێشكێشی گەلێ خۆ بكەم،لێ ئیرۆ دەرفەتەك دێرین هاتە پێشیا من سوپاس بۆ خودێ كو من كاری ئێكەم پێنگاڤا خۆ پاڤێم وبتە دەستپێكەك بۆ كارێن من دئایندەیەكێ نێزیك دا،گەلێ من پێتڤی برۆمانێ یە دبینم كو هندی هەبن دپەرتۆكخانادا هەر كێمە،لەوا ژ رۆمانێ دەستپێكر ژبەر دناڤا ئەدەبیاتێن كوردی دا دكێمن دڤێت هەول بدەین زەنگین بكەین،هەروەسا من پەرتۆكا خۆ دجەنگی دا نڤیسایە ودكاودانێن زۆر زەحمەت دا گەلەك جارا دسەنگەری دا ولسەر ساتری من بەردەوامی دایێ دەستەكێ من سەرتڤەنگا من بوو و دەستەكی پێنوسێ من وناڤا هەموو شەران دا پێنوس ولاپەرێ من دبنێ چانتكا من دابوون و ب برینداری ژی ڤە هەر من نڤیسینا خۆ دكر،بێی هاریكاریا چ لایەنەكێ تنێ هەڤالێن من هاندەر بوون ب ورەی ئانكو مەعنەوی.
هەروەسا دیاركر،پەرتۆكا خۆ ل باژێرێ دهۆكێ وەشاندیە وهاتیە بەلاڤكرن لێ ب زمانێ ئەرەبیە،مەبەستا من ژێ ئەو بوو خەلكەكێ بیانی ژی بزانت ئەم خودان دیرۆكین ولسەر ئاگەداربن،گەر دشیانێن من دابا دا ب هەموو زمانێن جیهانی نڤیسم،دیسان خەلكێ مە یێ رۆژئاڤا كوردی باش نزانن بنڤیسن یێن دزانن ژی لاتینیە ودیسا باكورێ كوردستانێ و هەروەسا باشوور ژی لاتینی بكارنائین،لێ من كرە زمانێ ئەرەبی دا هەر لایەك ژێ مفادار بت.
ل داویێ ژی گۆت:هیڤیدارم ژحكومەتا هەرێما كوردستانێ ببن پشتەڤان بۆ تەخا گەنجان ،باوەرم گەرببن پشتەڤان دێ كارێن باش ئێنە ئەنجام دان و بێنە دامەزراندن ل دام ودەزگەهێن حكومی و ئێكەتیا نڤێسكارا و وەزارەتا رەوشەنیری ببن خودانێن گەنجێن خودان هزر ولپشت راوەستن،بۆ من دەرفەت چێ بوو ب مووچێ خۆ یێ پێشمەرگایەتیێ یێ كێم ڤی كاری بكەم دبت زۆر یێن هەین نكارن،دیسا هیڤیدارم ژ خەلكێ خۆ گرنگیێ ب خووندن ونڤیسینا خۆمالی بدەن،داپتر پێزانین سەر دیرۆك وشارستانیەت و كەلتۆرێن خۆ هەبن وببن هاندەر بۆ مە دابكارین ئەم ژی خزمەتا وان بكەین.
تُتاح هذه الصورة أيضا في: کوردی
