تیپا شاریا یا هۆنەری سەمایێن ئێزدیان ژ ناڤچوونێ دپارێزت
تۆرا لالش یا راگەهاندنێ
تیپا شاریا یا هۆنەری ل رێككەفتی(14/4/1997)،ب پشكداریا هەردوو رەگەزێن نێر و مێ ب سەرپەرشتیا (سماعیل شێخ میرزو) هاتیە دامەزراندن،نۆكە مژوولی چێكرنا تابلۆیا (وەلات)ە،هەروەسا سەمایێن دپارێزت گرێداینە ب دەڤەرێن جودا جودا یێن ئێزدیان وهەكە خۆ لێ نەكربا خودان دێ بەرەف ژناڤچوونێ چووبانە.
راهێنەر و بەرپرسێ پشكا هۆنەری یێ تیپا شاریا یا هۆنەرێ مللی(شێرزاد شێخ میرزو)بۆ رۆژناما دەنگێ لالش دبێژت:ئارمانج ژ دامەرزاندنا تیپێ پاراستنا چاند و هۆنەرێ مللی یێ كوردی ب گشتی و یێ كوردێن ئێزدی ب تایبەتی بوو،لەورا هەتا نۆكە ل سەر ڤێ ئارمانجێ بەردەوامە وەك سەما و جەژن و هەلكەفتیێن گرێدایی هەموو كوردا تایبەت ئێزدیا ڤە دگەل پاراستنا جلكێن كەڤنار یێن باب و پاپیرا ،سەمایێن هاتینە پاراستن ژلایێ تیپێ ڤە ( شێخانی،ملانێ تلیانی،سینجان ،بەبلاكانان،تالان…هتد)،ئەڤێن من گۆتین دگەل ژمارەكا سەمایێن دی مە ژناڤچوونێ پاراستینە، هەردەما هەڤال یان برادەرەك دچتە دەڤەرەكا كوردستانێ و سەمایەكا كەڤنار دبینت دبێژتە مە و ئەم ژی دپارێزین،ژبەركو سەمایێن كەڤنار بتنێ كەسانێن ب تەمەن دزانن و هندی بكارین كەلتۆرێ كوردی و تایبەت ئێزدیا دێ ژناڤچوونێ پارێزین،سەمایێن ئەم دپارێزین گرێداینە ب دەڤەرێن جودا جودا یێن ئێزدیان وهەكە مە خۆ لێ نەكربا خودان دێ بەرەف ژناڤچوونێ چووبانە،هەروەسا ژبەر پشكداریا كچێ ل دەمێ دامەزراندنێ ژلایێ جڤاكی ڤە رەخنە و نەرازیبوون ل تیپێ دهاتەگرتن ،ژبەركو وی دەمی شەرم بوو كچ بچتە لسەر دەپێ شانۆیێ سەمایێ بكت ،لێ پشتی بۆرینا دەمەكی كەسانێن رەخنە و نەرازی دئارمانجا دروستاهی یا تیپێ گەهشتن و نۆكە پتریا وان شانازیێ ب تیپێ دبەن،كو ب نونەراتیا كوردستانێ د ڤیستەڤالا دا پشكدار دبت ل دەرڤەی وەلاتی.
گۆتژی مە پشكداری دژمارەكا تابلۆیان دا كریە ژوانا تابلۆیێن(پێشمەرگە و شنگال)كو ناڤەرۆكا تابلۆیا (پێشمەرگە) گرێدایی بوو ب رزگاركرنا دەڤەرا شنگالێ ژ دەستێن توندرەوێن (داعش) ل سەردەستێن پێشمەرگەیێ قەهرەمان و تابلۆیا شنگال ژی ناڤەرۆكا وێ گرێدایی بوو(كارەساتا شنگال)ل (3/8/2014)بوو،ژبەر قەیرانا دارایی مۆزیكا وان نەهاتینە تۆماركرن من مۆزیكا سترانێن هۆنەرمەندان دانینە بەرئێك و مە كاری كارەكێ باش ئەنجام بدەین.
ناڤبری تەكەز كر كو نۆكە گەلەك داخوازنامە بۆ تیپێ هاتینە پشكدارببت،لێ ژبەر قەیرانا نۆكە یا داراییا كوردستان ڤەگرتی دەرفەت نینە پشكدار ببین،ژوانا ژی دوو جاران وەلاتێن (مەغرەب و ئەمریكا) و جارەكێ وەلاتێ ئەلمانیا.
بەرپرسێ پشكا هۆنەری یێ تیپا شاریا یا هۆنەرێ مللی ئاشكەراكرژی نۆكە مژوولی تابلۆیا (وەلات)ین،لێ هێشتا د قۆناغا هزركرنێ دایە،لەورا ناڤەرۆكا وێ دیارنینە،دیسان كۆمەكا دەستخۆشی و سۆپاسی ژ لایێ لایەنێن هۆنەری و حكومی یێن بۆ تیپێ هاتینە.
تُتاح هذه الصورة أيضا في: کوردی
