ئەپل گوهارتنان د ئایفۆن هەشدا دکەت
ئێن ئارتى
لگۆر نووچەکێ سکای نیوز، کو ئایفۆن هەشت، دوکما سەرەکی یا بەرنیاس ب “home butto” دێ هێتە لادان کو ئەو ژى دبیتە گوهارتنەکا مێژویی د ئایفۆنێدا.
ئەڤە ژى پشتى وێ ئێکێ تێ، کۆمپانیا ئەپل د ئایفۆن حەفتدا جهێ بیستنێ “سەماعە” نە هێلایە، راپۆرتێن رۆژنامەڤانێ ئەو ئێک بەحسکریە، کو دێ گوهارتنێن نوو د ئایفۆن هەشتدا هێنە کرن کو ئەو ژى نەمانا دوکما بەرنیاس ” home butto ” د وێ مۆبایلێدا، کو ئەو ژى ب ئێکەم گوهارتنا جیواز ژ لایێ کۆمپانیا ئەپل ڤە تێ هژمارتن کو تەمەنێ وێ دگەهیتە ١٠ سالان.
راپۆرت ئاماژە ب وێ ئێکێ ژى دکەن، کو کۆمپانیا ئەپل پلانەک بۆ زێدەکرنا دوکمەیا سەرەکی دناڤ شاشێ مۆبایلێ ددانیت، ئە ڤە ژى د چارچوڤێ وێ پلانێدایە کو بۆ بەرفرەهکرنا قەبارێ شاشێ ئایفۆن هەشت، دگەل ڤێ چەندێ ژى بژڤانە کو شاشێ ژ جۆرێ ” OLED” بۆ ڤی جۆرێ موبایلێ دانیت، کو ئەڤ جۆرە شاشە رەنگ و وێنان ب ئاوایەکێ باشترە و کۆژمێ وزەیی ژى کێمتر خەرج دکەت.
ئەڤە ژى دەمەکێدایە، کو کۆمپانیا ئەپل ددەمێ نەهێلانا جهێ بیستوک (سەماعە) د مۆبایلێن ئایفۆن حەفتدا کۆمەکا کارڤەدانان ژ لایێ بکارهێنەرێن وێڤە لدیڤ خۆ ئینان، چونکێ نەچاربوون کو بیستوک (سەماعە) بکرن، یان دڤێت بکارهێنەر بلوتوسی بکرن.
تُتاح هذه الصورة أيضا في: کوردی
