نڤیسەرەكا ئەمریكی:دڤیا كۆمەلگەها نێڤ دەولەتی دراڤ دابا بۆ رزگاركرنا كچێن ئێزدی
ئاژانس-KDP.info-
ئەمی بیم خاتوون،چالاك و نڤیسەرا ئەمریكایە كو داكۆكیێ ل مافێ ئێزدیان دكت،ل بابەتەكی دا كو ل ژمارەیەكا میدیایێن وی وەلاتی دا بەلاڤ بوویە،دبێژت كۆمەلگەها نێڤ دەولەتی كێمترخەمە ل ئازادكرنا كچێن ئێزدی یێن گرتی.
گۆتارا بیم،ئاماژەیە بۆ پەیامەكا بان كی مۆن سكرتێرێ گشتییێ نەتەوەیێن ئێكگرتی كو تێدا بەحسێ دانا دراڤی ب تیرۆرستان كربوو ژ پێش ئازادكرنا كچێن ئێزدی.
ئەو نووسەر و چالاكڤانە ئەمریكی دبێژت:”دڤیا كۆمەلگەها نێڤ دەولەتی ئەو دراڤە ئامادەكربا هەتا ئەو ئێزدی نە ژ بەر دەستێ تیرۆرستان هاتبانا رزگاركرن،نە وەك رەخنێ ل وان بگرن كو دراڤ ب ئازادكریان دكن”.
بیم، پیشبینی دكت ئازادكرنا سەدان كچێن گرتی یێن دی یێن ئێزدی نێزیكی ١٥ملیۆن دۆلار پێتڤی بت، ئەڤەش ب ئەركەكێ مرۆڤانە ل قەلەم ددەت كو دڤێت كۆمەلگەها نێڤ دەولەتی بكت.
تُتاح هذه الصورة أيضا في: کوردی
