دوو رزگاربوویێن ئێزدی رادەستی خێزانێن وان هاتن كرن
تۆرا لالش یا راگەهاندنێ
ڤیان دەخیل دبێژت، كچەكا ئێزدی یا تەمەن ٢١سال و ئێكا ٢٣سال ل جنگێ داعشێن ناڤ فەلووجە هاتینە رزگاركرن،پشتی هەول و ماندیبوونەكا زۆر رادەستی خێزانێن وان هاتن كرن ل هەرێما كوردستانێ.
ڤیان دەخیل،پەرلەمانتارا كوردا ئێزدی ل ئەنجوومەنێ نوونەرێن عێراقێ ب مالپەرێ فەرمیێ پارتی دیموكراتی كوردستان راگەهاند:”كو شەرێ رزگاركرنا باژێرێ فەلووجە دەست پێكری باژێر ئالۆز بوو،كابرایەكی ل باژێرێ فەلووجەو پەیوەندی ب مە كر گۆت دوو كچێن ئێزدی ژ دەستێن تیرۆرستێن داعش رەڤین و پەنا بۆ وی برن،من پەیوەندی ب بەرپرسێن دەڤەرا فەلووجە و چەند كەسایەتیێن مەزنێن باژێری و بەرپرسێن سوپایێ عێراقێ و حەشدێ شەعبی كر،ل وێدەێ برینە باژێرێ بەغدا وژ وێدەرێ ئینام بۆ هەولێرێ،پشتی پرسیاركرنێ كەس و كارێن وان من پەیداركرن و چۆنە باوەشا وان.
تُتاح هذه الصورة أيضا في: کوردی
