ل بنگەهێ لالش تایێ شێخان ڕوونشتنەکا ڤەکری هاتە سازکرن
تۆڕا لالش: 
بنگەهێ لالش تایێ شێخان و نڤیسینگەهێن ب سەرڤە،پشتەڤانیا خۆ بۆ سه‌رخستنا لیستا پارتی دیموکراتی کوردستان یا ژمارە (١٩٧) وەک هەموو هەلبژارتنێن ديتر دوپاتكر.
ئيرۆ ڕۆژا چارشه‌مبوويێ 29ى چريا دووێ 2023ێ،ل باره‌گايێ بنگەهێ لالش تایێ شێخان و ب ئامادبوونا ئەندامێن بنگەهێ لالش و هەر سێ نڤیسینگەهێن ب سەرڤە،ڕوونشتنەکا ڤەکری بۆ خانم” خه‌ولا شلی” كارگێرا لقا 20 یاپارتی و “صادق قاسو علو” بەرپڕسێ لژنا ناوچا شێخان یا پارتی ل بنگەهێ لالش هاتە سازکرن.
مەرەم ژ ڤێ ڕوونشتنێ ئەو بوو کو هەموو کار بکەن وەکو ئێك تیم ژبۆ هایدانا جەماوەرێ قەزا شێخان ژ بۆ پشکداریکرنێ د پرۆسێسا دەنگدانێ دا بکەن د هەلبژارتنێن ئەنجومەنێ پارێزگەها نەینەوا و پشتەڤانیا لیستا پارتی دیموکراتی کوردستان بکەن یا ژمارە (197).
پشتى چەندین دانوستاندن هاتينە کرن،هەموو ئەندامیێن بنگەهێ لالش تایێ شێخان و نڤیسینگەهێن ب سەرڤە پشتەڤانیا خۆ دووپات کرن بۆ لیستا پارتی دیموکراتی کوردستان وەك هەموو هەلبژارتنێن ديتر .
تُتاح هذه الصورة أيضا في: کوردی
