ته‌مموز 25, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

وەزیرێ‌ پەروەردەیا هەرێمێ‌ پشتەڤانیا خۆ قوتابیێن ئێزدی دووپات دكەت

وەزیرێ‌ پەروەردەیا هەرێمێ‌ پشتەڤانیا خۆ قوتابیێن ئێزدی دووپات دكەت
تۆرا لالش:
شاندەكێ‌ دەستەیا بلندا بنگەهێ‌ لالش یێ‌ ڕەوشەنبیری و كۆمەڵایەتی دگەل وەزیرێ‌ پەروەردەیا حكومەتا هەرێما كوردستانێ‌ كۆمبوون و چەندین بابەتێن گرێدایی ب ڕەوشا قوتابیێن ئێزدی ب گشتی و یێن شنگالێ‌ ب تایبەتی گوتۆبێژكرن.

ئیرۆ ڕۆژا شەمبوویێ‌ 29ی نیسانا2023،شاندەكێ‌ دەستەیا بلندا بنگەهێ‌ لالش كو پێكهاتبوو ژ هەر ئێك “مونیب سیدۆ”بەرپرسێ‌ بەشێ‌ قوتابیان ل دەستەكێ‌ دگەل هەردوو ئەندامێن دەستەیا بلند”دەخیل نایف” و “دیارین خودێدا”،دگەل ئالان حەمە سەعید وەزیرێ‌ پەروەردەیا حكومەتا هەرێما كوردستانێ‌ كۆمبوون،دهەڤدیتنێ‌ دا چەندین بابەتێن گرنگ یێن گرێدایی ب ڕەوشا قوتابیێن ئێزدی ب گشتی و یێن شنگالێ‌ ب تایبەتی گوتۆبێژكرن.

دپشكەكا دی یا هەڤدیتنێ‌ دا مونیب سیدۆ،بەرپرسێ‌ بەشێ‌ قوتابیان ڕۆناهی خستە سەر وێ‌ چەندێ‌ كو ڕەوشا قوتابیێن ئێزدی ب شێوەكی گشتی ل بەرچاڤ بێتە وەرگرتن،ژبەر ڤان كاودانێن كۆ نهۆ تێدا دەرباز دبن و ژین و ژیارا وان یا ب زەحمەت دئاوارەیێ‌ دە، هەر دیسان ڤەكرنا قوتابخانێن برایەتی (التأخی) تەوەرەكێ‌ سەرەكی یێ‌ كۆمبوونێ‌ بوو،كو بزاڤێن رژد دێ‌ ئێنە كرن ل ساڵا خووندنێ‌ یا بێت بێتە ڤەكرن.

ژلایەكێ‌ دی ڤە دەخیل نایف،ئەندامێ‌ دەستەیا بلند و سەرپەرشتیارێ‌ پەروەردا ئێزدیاتی ب تیر و تەسەلی باس ل پەرتووكا ئێزدیاتیێ‌ و لیژنێن پێداچوونا بابەتی ك، ب خۆشحالی ڤە وەزیرێ‌ پەروەردێ‌ پشتەڤانی وئامادەییا خۆ بۆ هەر پێتڤییەكا قوتابیێن ئێزدی دوپاتكر.

لدووڤدا شاندێ‌ بنگەهێ‌ لالش،هژمارا 49 یا نوو یا گۆڤارا لالش دگەل داوی وەشانێن بنگەهێ‌ لالش پێشكێشی وەزیرێ‌ پەروەردێ‌ كرن.

  

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi