كانونی یه‌كه‌م 10, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

د رۆژا جیهانیا ژنان دا،ژنێن ئێزدی داخوازا رزگاركرنا گرتیێن خوه‌ دكه‌ن

د رۆژا جیهانیا ژنان دا،ژنێن ئێزدی داخوازا رزگاركرنا گرتیێن خوه‌ دكه‌ن
ئه‌ڤرۆ نيوز:
چالاكڤانێن ئێزدیان د رۆژا جیهانیا ژنان دا داخوازێ‌ ژ هه‌ردو حوكمه‌تێن هه‌رێما كوردستانێ‌ و عیراقێ‌ و جڤاكێ‌ نیڤده‌وله‌تی دكه‌ن كو به‌رده‌وام كار ل سه‌ر رزگار كرنا كچ و ژنێن ئێزدی بكه‌ن، چونكی ره‌وشا ژنێن ئیزدی یا گرێدایه‌ ب رزگار كرنا دایك و خوشكێن وان ڤه‌.
رۆژنامه‌ڤان ناڤین سموقی بۆ رۆژناما ئه‌ڤرۆ دیار كر كو د جینوسایدا ئێزدیاندا قوربانیا هه‌ره‌ مه‌زن ژن بویه‌، به‌لێ‌ خوه‌ ڕاگر مایه‌ و دێ‌ هه‌ر مینیت خوه‌ ڕاگر و گۆت: (ئه‌م ب هیڤینه‌ كو یێن مایی ژی بهێنه‌ رزگار كرن، چونكی بزاڤێن حوكمه‌تا هه‌رێما كوردستانێ‌ د به‌ردوامن ژبۆ ڤێ‌ چه‌ندێ‌).
ناڤینێ‌ گوتژی: (ره‌وشا ژنێن مه‌ ب تایبه‌ت ژی یێن شنگالێ‌ یا باش نینه‌ هێشتا د ژیانا كه‌مپا دا دژین، به‌لێ‌ سه‌ره‌رای ڤێ‌ چه‌ندێ‌ مه‌ ژن هه‌بوون بوینه‌ سمبولێن ئاشتیێ‌ ل سه‌رانسه‌ری جیهانێ‌ ئه‌ڤه‌ ژی پێنگاڤێن باشن ژ بۆ خوه‌ ڕاگریا ژنا ئێزدی، ئه‌ز ژدل رۆژا جیهانیا ژنان ل هه‌موو ژنێن خه‌باتكه‌ر بیروز دكه‌م).
چالاكڤانا بوارێ‌ ژنان هه‌دیه‌ حسێن رۆژا جیهانیا ژنان ل هه‌موو ژنێن جیهانێ‌ پیرۆز دكه‌ت، ب تایبه‌ت وان ژنێن ئێزدی یێن هه‌تا نها چاڤه‌رێی رزگار كرنێ‌ و هێشتا چاڤێ‌ وان ل ڤه‌گه‌ریانێ‌ ژ بۆ ناڤ خێزان و كه‌س و كار و جڤاكێ‌ وان.
هه‌دیه‌ د به‌رده‌وامیا ئاخفتنێن خوه‌دا دبێژیت: (د رۆژا جیهانیا ژنان دا ئه‌م داخوازێ‌ ژ هه‌ردوو حكومه‌تێن هه‌رێما كوردستانێ‌ و عیراقێ‌ و جڤاكێ‌ نێڤده‌وله‌تی دكه‌ین، به‌ردوام كار ل سه‌ر رزگاركرنا كچ و ژنێن ئێزدی بكه‌ن، چونكی ره‌وشا ژنا ئیزدی بگشتی گرێدایی رزگاركرنا دایك و خوشكێن وایه‌).
چالاكڤانا بوارێ‌ ژنان گۆتژی: (راسته‌ هنده‌ك پێنگاڤ یێن هاتینه‌ هاڤێتن، به‌لێ‌ ئاست خواستا مه‌ نینن، ئه‌ڤجا هیڤیدارین ژ جهێن په‌یوه‌ندیدار زێدتر خوه‌ ماندی بكه‌ن، ژبۆ باشتركرنا ره‌وشا رزگاربویان و پتر بزاڤێ‌ بكه‌ن یێن مایی ژی رزگار بكه‌ن).
جه‌میلا حازم رۆژنامه‌ڤانه‌ گوت: (ژنێن ئێزدی خودان ئیراده‌ و خوه‌ ڕاگره‌ ب تایبه‌ت ژی ژنێن ده‌ڤه‌را شنگالێ‌، چونكی مه‌ دیت د جینوسایدا ئێزدیان دا چ ب سه‌رێ‌ ژنێن ئێزدی هات، به‌لێ‌ ب هێز و ئیرادا خوه‌ شیان د خۆ ڕاگر بن ب تایبه‌ت ژی رزگاربوویێن ده‌ستێ‌ داعش).
هیڤیدارین ژ جهێن په‌یوه‌ندیدار پتر خوه‌ ل ره‌وشا ژنێن رزگاربویی بكه‌نه‌ خۆدان، چونكی هێشتا ژیانا وان دناڤا كه‌مپان دایه‌ و ره‌وشا وان یا ده‌روونی نه‌ یا ئارامه‌ و ئه‌و پێدڤی ب پشته‌ڤانی و هاریكاریێن به‌رده‌وامن و گۆت: (دبێژن ژن نیڤا جڤاكی یه‌، به‌لێ‌ ب دیتنا من جڤاك هه‌موویه‌، چونكی ژن دایكه‌ و جڤاك ل سه‌ر ده‌ستێ‌ وێ‌ دهێته‌ په‌روه‌رده‌كرن).

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi