نیسان 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆك نێچیرڤان بارزانى و میرێ ئێزدیان كۆمبوون

سه‌رۆك نێچیرڤان بارزانى و میرێ ئێزدیان كۆمبوون
گاڤ

سه‌رۆكێ هه‌رێما كوردستانێ جاره‌كا دى پشته‌ڤانیا خۆ بۆ ئێزدیان و پاراستنا مافێن وان ل ئیراق و هه‌رێما كوردستانێ دیاركر و راگه‌هاند، پرۆسه‌یا رزگاركرنا ره‌ڤاندیان به‌رده‌وامه‌.

ئه‌ڤرۆ پشتى نیڤرۆ نیچیرڤان بارزانى، سه‌رۆكێ هه‌رێما كوردستانێ ل گه‌ل میر حازم ته‌حسین به‌گ میرێ ئێزدیان كۆمبوو.

د كۆمبوونێ دا ره‌وشا ئێزدیان ل كه‌مپێن ئاواره‌یێن شنگال و ده‌رڤه‌یى وه‌لاتى هاته‌ به‌حسكرن و دوپاتى ل پرۆسه‌یا رزگاركرنا ره‌ڤانیدێنن ئێزدى كر و هه‌روه‌سا ره‌وشا ژیانا رزگاربوویان ژى و چاوانیا هاریكاریكرنا وان هاته‌ به‌حسكرن.

هه‌ر دو ئالیان دوپاتى ل گرنگیا گرنگیپێدانا ره‌وشا ئێزدیان و بجهئینانا رێككه‌ڤتنا حكومه‌تا هه‌رێما كوردستانێ و حكوه‌تا فیدرالى بۆ ئاسایكرنا ره‌وشا شنگالێ هاته‌كرن، بۆ وێ یه‌كێ خه‌لكێ وان ناوچه‌یان بشێن ڤه‌گه‌ڕنه‌ جهێن خۆ و ل سه‌ر ئاستێ هه‌رێما كوردسانێ، ئیراقێ و جیهانێ ژى هاریكاریا وان بهێته‌كرن و شنگال و ناوچه‌ بهێته‌ ئاڤه‌دانكرن.

سه‌رۆك نێچیرڤان بارزانى، به‌رده‌وامیا هه‌موو پشته‌ڤانیێ بۆ ئێزدیان و پاراستنا مافێن وان ل ئیراق و هه‌رێما كوردستانێ دوپاتكر و پشتراستى دا پرۆسه‌یا رزگاركرنا ره‌ڤاندیان و ئاشكراكرنا چاره‌نڤێسێ وان دێ به‌رده‌وام بیت و هه‌ر یا پێدڤى بیت بۆ رزگاركرنا وان ئه‌و كێم خه‌میێ ناكه‌ن.

ژ ئالیێ خۆڤه‌ میرێ ئێزدیان گۆته‌ سه‌رۆك نێچیرڤان بارزانى، سوپاسى و پێزانینێن خۆ بۆ ئێزدیان و بۆ پشته‌ڤانیا به‌رده‌وام و هاریكاریا سه‌رۆك نێچرڤان بارزانى ب تایبه‌ت بزاڤێن وى بۆ رزگاركرنا ره‌ڤاندیێن ئێزدى و به‌رڤانیكرن ژ مافێن وان نیشاندا.

ئه‌نجامێ دوماهى سه‌ره‌دان و دیدارا میرێ ئێزدیان ل گه‌ل قه‌داسه‌تا پاپایێ ڤاتیكان و به‌رپرسێن وه‌لاتان ل ئه‌ورۆپا و ئیراقێ و ناوچێ ته‌وه‌رێن دى یێن كۆمبوونێ بوون.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi