سەربەست تروانشی:”ب بریارا سەرۆكێ حكومەتا ھەرێمێ خانكێ دێ بتە ناحیە”
تؤرا لالش:
بەڕێز سەربەست تروانشی ئەندامێ ئەنجۆمەنێ سەركردایەتیا پارتی و بەرپرسێ لقێ ئێك ل بارەگایێ لقێ دگەل كەسایەتی و خۆرت و لاوێن كۆمەلگەھا خانكێ كۆمبوو.
دڤێ كۆمبوونێ دا بەرپرسێ لقێ باسێ ڕۆلێ ئێزدیخانێ و كوردێن ئێزدی د ناڤ شۆڕەش و بەرخۆدانێن گەلێ كوردستانێ دا كر و گۆت:کوردێن ئێزدی ب خۆھ و خوینا خوە یا پیرۆز، چەندین داستان و سەركەفتن تۆماركرینە، ل دەنگدانێ ژ بۆ بەربژێن پارتی ژێ ھەردەم ل ڕێزا پێشیێ بووینە، ئێک ژ نموونێن ھەرە بەرچاڤ ژی د سالێن چوویی دا ل شنگالێ و سیبا شێخ خدر شێرەژنەکا ئێزدی د رۆژا هەلبژارتنا دا زاڕۆکێ وێ گیانێ خوە ژ دەست دا ڤێ شێرە ژنێ گوت:“ئەز زاڕۆکێ خوە ناڤەشێرم حەتا دەنگێ خوە نەدەمە پارتی.”، ئەڤ ھەستا وان یا نەتەوایەتی چ جاران ناھێتە ژبیركرن، ئەڤرۆ ژی ئەم مزگینیێ دەینە خەلكێ خانكێ كو ل دیڤ بڕیارا سەرۆكێ حكومەتا ھەرێما كوردستانێ ڕێزدار مەسرور بارزانی خانكێ دێ ببیتە ناحیە.
ئامادەبوویێن ڤێ جڤینێ ژی وەكو ھەرجار ب مەردانە و كورد پەروەرانە سۆز و پەیمانێن خوە بۆ پارتی و بەربژێرێن وێ نویکرنەڤە.
تُتاح هذه الصورة أيضا في: کوردی
