شێخ شامۆ:تەنها پارتی پشته‌ڤانى و هاريکاریا ئێزديان دکت
باسنيوز:
کەسایەتییەکی کوردانی ئێزدی رایدەگەیەنێت، کە تەنیا پارتی دیموکراتی کوردستان پشتیوانی و هاوکاریی کوردانی ئێزدی دەکات.
شێخ شامۆ، سەرۆکی دەستەی باڵای بنکەی رۆشنبیری و کۆمەڵایەتیی لالش لە دهۆک، بە (باسنیوز)ی راگەیاند: تا ئێستا پەرلەمانی عێراق ئەو مافە بە کوردانی ئێزدی لە سنووری پارێزگای دهۆک نادات کە کورسیی کۆتایان هەبێت یان بتوانن دەنگ بە کورسی کۆتای ئێزدییەکان بدەن.
شێخ شامۆ هەروەها رایگەیاند: کۆمەڵگە و جوگرافیای کوردانی ئێزدی ئەمانەتی سەرۆک بارزانییە، بۆیە تەنیا پارتی رێگە نادات ستەم لە کوردانی ئێزدی بکرێت و پشتیوانی و هاوکارییان دەکات.
ئەو کەسایەتییەی کوردانی ئێزدی ئاماژەی بە رۆڵی سەرۆک بارزانی و هێزەکانی پێشمەرگەی کوردستان لە رزگارکردنەوەی شنگال لەژێر داگیرکاریی رێکخراوی تیرۆریستی داعش کرد و رایگەیاند: سەرۆک بارزانی خۆی کردە خاوەنی کوردانی ئێزدی و کۆتایی بە ستەم و داگیرکاریی داعش لەسەریان، هێنا.
شێخ شامۆ جەختی لەوە کردەوە، کە کوردانی ئێزدی بۆ ئەوەی زیاتر خزمەت بکرێن و بپارێزرێن، دەنگ بە کاندیدانی پارتی دەدەن و ئەو حزبە دەکەنەوە حزبی ژمارە یەکی کوردستان و عێراق.
تُتاح هذه الصورة أيضا في: کوردی
