بابا شێخ دێ لگەل بنەمال و كەسایەتیێن دەڤەرا شنگالێ كۆم بت
تۆرا لالش:
ب مەرەما هایداربوون لسەر رەوشا خەلكێ ل شنگالێ،سەماحەتا بابا شێخێ ئێزدیان دێ سەرەدانا شنگالێ كت و لگەل بنەمال و كەسایەتیێن وێ دەڤەرێ كۆم بت.
بەرپرسێ راگەهاندنا نڤیسینگەها بابا شێخ،سەباح سمێر بۆ رۆژناما دەنگێ لالش گۆت:ل دەمەكێ نێزیك سەماحەتا بابا شێخێ ئێزدیان دێ سەرەدانا شنگالێ كت و بەرهەڤیێن باش بۆ ڤێ سەرەدانێ هاتینە كرن و ژكارێن گرنگ یێن بابا شێخ ئەوە لگەل بنەمال و كەسایەتیێن وێ دەڤەرێ و كەسێن دلێ وان ماین لسەر دانانا وی وەكو بابا شێخێ ئێزدیان كۆم بت ئەو دلخۆشیەكێ بێختە ناڤا تەڤایا ئێزدیان دا وەكو چەندین جاران دپەیامێن خۆ دا گۆتی ئەو دێ دخزمەتا مللەتێ خۆ دا بت بێ فەرق و جوداهی ب تایبەت ژی بۆ تفاقا ئێزدیان.
گۆتژی لسەر هەبوونا چەندین كێشەیێن جڤاكی دناڤ ئێزدیان دا،دەما بابا شێخ سەرەدانا شنگالێ دكت دێ لگەل وان بنەمالێن كێَشێن جڤاكی هەین كۆم بت و پێكهاتنەكا جڤاكی دناڤبەرا وان دا پەیدا بكت و كێشەیێن وان چارەسەر كت.
تُتاح هذه الصورة أيضا في: کوردی
