مەحما خەلیل: پلانێن بەرزەكرنا دیموگرافیا شنگال هاتینە دانان
باسنيوز:
قایمقامێ شنگال و راوێژكارێ پەرلەمانێ كوردستانێ بۆ كارۆبارێن ئێزدیان دیار كر پلان بۆ بەرزەكرنا دیموگرافیا شنگال هاتینە دانان كو پلانێن دەركی و ناڤخۆیی هەنە ل سەر شنگال. ئەم هەولێن بەردەوامداینە نەهێلین دیموگرافیا شنگال بهێتە بەرزەكرن.
مەحما خەلیل، قایمقامێ شنگال و راوێژكارێ پەرلەمانێ كوردستانێ بۆ كارۆبارێن ئێزدیان بۆ (باسنیوز) دیار كر: “هاتنا داعش ژی پلان بوویە حكومەتا عێراقێ شنگال بكەڤتە بن دەستێ داعشێ دا و پلان هەنە دیموگرافیا شنگال بەرزە ببیت ب ریێن هەمە جۆر دژاتیا شنگال دهێتە كرن وبەردەوام كار دهێتە كرن داكو كریارێن تێكدانێ ل شنگال بهێنە كرن و هێزێن نە شەرعی ل دەڤەرێ بن. بتنێ مەرەم ئەوە دا خەلكێ رەسەن شنگال نەبیت وبهێنە بەرزەكرن ئەڤە ژی دژی دەستۆرێ یە ل شنگال دهێتە كرن. راستی ژی دەستێن دەركی و ناڤخۆیی دناڤ پلانا سۆتنا دەنگێن خەلكێ شنگالدا هەنە”.
خویا ژی كر: “مە سەرەدانا دادگەها فیدرال ل عێراقێ كریە و دادگەهێ ئەم هایداركرینەدێ كاری بۆ راستڤەكرنا وێ بریارێ كەن یا كو هاتیە دان. هەر كەسەك ل جهێ ئاكنجیبوونا خوە دەنگێ خوە بدەت ئەڤە دژی قانوونێ یە، دهێتە رەتكرن. هەكە نەهێتە رەتكرن دێ جینوسایدەكا دی بسەرێ شنگال هێت. دێ دیموگرافیا شنگال نەبوونا دەنگان هێتە بەرزەكرن”.
تُتاح هذه الصورة أيضا في: کوردی
