ئيرۆ سالڤه‌گه‌را كۆمكوژيا گرعزێر و سيبا شێخدرێ دئێته ساخكرن
باسنيوز:
به‌رپرسێ نڤیسینگه‌ها بنگه‌هێ لالش ل گرعزیر قه‌زا شنگال دیاركر:” ئه‌ڤرۆ 14/8/2019 سالڤه‌گه‌را شه‌هیدكرنا 312 وه‌لاتیێن شنگال دهێته ساخكرن كو ل سالا 2007 هنده‌ك ترۆمبیلین منیرێژكرى خوه دناڤ خه‌لكێ سڤیل دا په‌قاندن هه‌تا هزار كه‌سان هاتنه شه‌هید و برینداركرن.
سه‌عید ته‌ته‌ر، به‌رپرسێ نڤیسینگه‌ها بنگه‌هێ لالش ل گرعزیر قه‌زا شنگال بۆ (باسنیوز) دیاركر: “وه‌كو ئه‌ڤرۆ 14/8/2007 چه‌ند ترۆمبێلین مینریژكرى قه‌ستا ناڤ كۆمه‌لگه‌ها سیبا شێخدر و گرعزیر ل قه‌زا شنگال كرن وان ترۆمبێلین منیرێژكرى خوه دناڤ خه‌لكێ سڤیل دا په‌قاندن دئه‌نجامدا 312 ئاكنجیێن سیبا شێخدرى و گرعزیر ل قه‌زا شنگال هاتنه شه‌هیدكرن و پتر ژ 700 كه‌سان بریندار وبى سه‌روشین بوون ئه‌ڤرۆكه ل كۆمه‌لگه‌ها خانكى سه‌ر پارێزگه‌ها دهۆكێ ڤه مه چالاكیه‌كا رێزگرتنى بۆ شه‌هێدكرنا كاره‌ساتا سیبا شێخدرى و گرعزیر ئه‌نجامدا”.
وه‌یس نایف، سه‌رۆكى جڤاتا قه‌زا شنگال بۆ(باسنیوز) دیاركر: “ل وى ده‌مى خه‌لكى مه نه‌شیا بریندارێن خوه ره‌وانه‌ى نه‌خۆشخانیێن عێراقى بكه‌ن پتریا برینداران بۆ نه‌خۆشخانا ته‌نگاڤیان ل پارێزگه‌ها دهۆكى هاتنه ره‌وانه‌كرن وچاره‌سه‌ركرن ژ هینگى وه‌ره ژیانا خه‌لكى مه دمه‌ترسیى دا ئه‌م باش دزانن هه‌كه هه‌رێما كوردستانى هه‌ڤكارى و پشته‌ڤانیا شنگال نه‌كه‌ت دى به‌رده‌وام تووشى كاره‌ساتان بن”.
تُتاح هذه الصورة أيضا في: کوردی
