ل زاخۆ كچەكا ئێزدی پەرتۆكخانەك ڤەكر
باسنيوز:
كچەكا ئاوارە ئێزدی ل كەمپا بێرسڤێ ل قەزا زاخۆ پەرتوكخانەك ڤەكریە هەتا دوو هزار و 400 پەرتوكێن هەمە جۆر كۆمكرینە دناڤ پەرتووكخانێ دا”.
ئەمیرە عەتۆ، خۆدانا پەرتوكخانێ ل كەمپا بێرسڤێ ل زاخۆ بۆ (باسنیوز) دیار كر: “ئەڤ پەرتوكخانا بۆ كچ وگەنجێن ناڤ كەمپێ هاتیە دانان داكو وەختێ خوە ل پەرتوكخانێ ب خاندنا پەرتوكێن هەمە جۆر ڤە ببورینن. هەر كچ یان گەنجەكێ كەمپێ دشێت رۆژانە قەستا پەرتوكخانێ مە بكەت بێ بەرامبەر بخوە هەموو جۆرێن پەرتوكان بخوینت. بتنێ یا مە پشتەڤانیا ل خەلكێ خوە بكەین قەستا خاندنێ و زانین بكەن هەتا دوو هزار و 400 پەرتوكێن هەمە جۆر یێن گریدایی هەموو بوارەكی ل پەرتوكخانێ دا مە داناینە”.
خویا ژی كر: “هەتا ئەم ناڤ كەمپێ دا بن دێ پەرتوكخانا مە یا ڤەكری بت بۆ خەلكێ كەمپێ چونكو مەرەما مە ئەو خەلك قەستا خاندنێ بكەن. هەكە پشتەڤانی ل من بهێتە كرن دێ خۆلین نەهێلانا نەخویندەواری بۆ كچ وژنێن ناڤ كەمپێ دا ڤەكەم”.
تُتاح هذه الصورة أيضا في: کوردی
