سەرمیاندارێن دهۆكێ خۆ بۆ ئاڤەدانیا شنگالێ بەرهەڤ دكن
باسنيوز:
بەرپرسێ پشكا پیشەسازی ل ژوورا بازرگانی وپیشەسازیا دهۆكێ دیاركر:” بەرهەڤی دهێنە كرن بارزگان وسەرمیاندارێن پارێزگەها دهۆكێ بەرەڤ شنگال بچن بۆ ئاڤەدانیا شنگال و ئەنجامدانا كارێن بازرگانی”.
حەمید رەبەتكی، بەرپرسێ پشكا پیشەسازی ل ژوورا بازرگانی وپیشەسازیا دهۆكێ بۆ(باسنیوز) دیار كر: “بازرگان دێ پلانێن خوە دانن بچنە شنگال وكار بكەن وسەرمیاندار ژی بچن بۆ ئاڤەدانیا شنگال كاربكەن وبازرگان ژی بەرهەڤیان دكەن بۆ برنا كەرەستێن بازرگانی بۆ ناڤ شنگالێ بتایبەتی ژی بۆ برنا كەرەستێن ئاڤەدانی وكەل وپەلێن خۆارنێ. دێ رەوشا بازرگانیێ گەلەك باش بیت چونكو شوونا بازرگان دەه دەمژمێران تشتان ببەت دێ هاتن وچوون كێمتر بیت. دێ بها ئەرزانتر راوەستە ل سەر بازرگانان دەمێ تشتێن خوە دبەن”.
خویا ژی كر: “دگەل ڤەكرنا رێیا شنگال بۆ سحێلا بازرگانێن دهۆكێ، ل شوونا ژ مووسل وتەلەعفەررا بچنە شنگال دوو باج ژ بازرگانان بهێنە وەرگرتن دێ ژ دهۆكێ ئێكسەر رێیا سحێلا را چنە شنگال، دێ بهایێ كەرەستان ژی ئەرزانتر بیت چونكو ئەو باج بەری نۆكە ژ بازرگانان نەدھاتە وەرگرتن”.
تُتاح هذه الصورة أيضا في: کوردی
