خانم”هەدیا موراد” سوپاسی و پێزانینێن خۆ ئاراستەی بنگەهێ لالش دكت
تۆرا لالش یا راگەهاندنێ/دهۆك
ئیرۆ پێنج شەمبوویێ،كاندیدا ئێزدی خانم”هەدیا موراد” لسەر لیستا پارتی دیموكراتی كوردستان یا دەرچۆیی بۆ پەرلەمانێ كوردستانێ سەرەدانا دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ كر و ژبال بەرێز “شێخ شامۆ” سەرۆكێ بنگەهی ڤە هاتە پێشوازیكرن.
دهەڤدیتنێ دا كاندیدا ئێزدی خانم”هەدیا موراد”رۆل و پشتەڤانیا بەرێز”شێخ شامۆ” سەرۆكێ دەستەیا بلندا بنگەهێ لالش و تایی و نڤیسینگەهێن لالش دسەركەفتنا وێ دا بلند نرخاند و سوپاسی و پێزانینێن خۆ ئاراستەی بنگەهێ لالش كرن.
ژ ئالیێ خۆڤە شێخی ژی پیرۆزباهی لێكر و داخوازا سەركەفتنێ بۆ خواست و دیاركر دێ هاریكار و پشتەڤانێ كارێ وێ بن ل پەرلەمانێ كوردستانێ.
تُتاح هذه الصورة أيضا في: کوردی
