ل شنگال لژنا هه‌لدانا گۆڕێن بكۆم هاته ڤه‌كێشان
باسنيوز:
موختارى گۆندى حه‌ردان ل قه‌زا شنگال دیاركر، لیژنا هه‌لدانا هه‌لدانا گۆرێن بكۆم ل حه‌ردان هاته ڤه‌كیشان بریار بوو ئه‌ڤرۆ ده‌ست ب ڤه‌كرنا گۆرێن بكۆم بكه‌ن لێ ده‌ست پێ نه‌هاته كرن.
سه‌عدون مراد، موختارى گۆندى حه‌ردان، ل قه‌زا شنگال بۆ (باسنیوز) دیاركر: “ئه‌ڤرۆ لیژنا هه‌لدانا گۆرێن بكۆم ل حه‌ردان هاته ڤه‌كیشان چوون وه‌سا دیاره ژى ژبه‌ر تیكچوونا ره‌وشا ئه‌منى ل ده‌ڤه‌رى ڤى لیژنى نه‌شیا كارى خۆ ئه‌نجام بده‌ت، مه ژى داخواز ژ لیژنى كربوو دووڤ ستانده‌رێن جیهانێ و تێمین ده‌ولى ل حه‌ردان گۆرین بكۆم بهێنه ڤه‌كرن، ل دۆریانا حه‌ردان ل قه‌زا شنگال سى یان چار گۆرێن ب كۆم هه‌نه هه‌تا نوكه ژمارا كه‌سێن تێدا هاتینه شه‌هیدكرن ئاشكرانه‌بوویه”.
خۆیا ژى كر: “ل كاره‌ساتا شنگال دۆرین 400 كه‌سێن خه‌لكێ گۆندى حه‌ردان ژ هه‌ردوو ره‌گه‌زان هاتبوونه گرتن و ره‌ڤاندن وبى سه‌روشینكرن ب پشته‌ڤانیا نڤیسینگه‌ها رزگاركرنا ره‌ڤاندیێن ئێزدى هژماره‌ك ژ خه‌لكێ حه‌ردان هاتینه رزگاركرن”.
هه‌تا نوكه 69 گۆرێن بكۆم یێن شنگال هاتینه دیتن د رۆژا ئێكى یا جینوسایدا شنگالێ دا ل رۆژا 3/8/2014 پتر ژ 1500 كه‌سان ل شنگال هاتنه كوشتن.
تُتاح هذه الصورة أيضا في: کوردی
