گه‌نجه‌كێ ئێزدی ژبه‌ر گه‌فێن كوشتنێ خوه ژ به‌ریكانه‌یا شاهجوانییا جیهانێ ڤه‌كێشایه
WAAR-دهۆك:
گه‌نجه‌كێ ئێزدی ژ به‌ر گه‌فێن تیرۆری ل ئیراقێ، خوه ژ به‌ریكانه‌یا شاهجوانیێ جیهانێ ڤه‌كێشا.
وه‌هاب حه‌سوو، گه‌نجێ كوردێ ئێزدی د ژیێ بیست و سێ سالیێ دا بۆ وار راگه‌هاند؛ د به‌ریكانه‌یێن پار سال یێن شاهجوانێ جیهانێ و شاهجوانێ هۆله‌ندا كو نها ل وی وه‌لاتی دژیت، ئه‌و گه‌هشتبوو قۆناغێن داویێ یێن سه‌ركه‌ڤتنێ، لێ ژبه‌ر گه‌فێن كوشتنا وی و خێزانا وی كو به‌رده‌وام ژ ئیراقێ بۆ چووینه، وی ب شێوه‌یه‌كێ نهێنی خوه ژێ ڤه‌كێشابوو.
وه‌هاب حه‌سوو گۆت ژی: پاش كوشتنا تاره فارس، كچه مۆدێلزا ئیراقێ و هه‌روه‌ها هنده‌ك چالاكڤانێن دی یێن د وی واری دا، وی بابه‌تێ گه‌فێن خوه و كوشتنا ناڤدارێن ئیراقێ ژبۆ په‌رله‌مانێ هۆله‌ندی ئاشكرا كرییه و په‌رله‌مانێ هۆله‌ندا گرنگی ب وێ كه‌یسێ دایه.
وه‌هاب حه‌سوو، گه‌نجه‌كێ ئێزدییه ، ژیێ وی بیست و سێ سالن، ل سالا دوهزار و دوازدێ به‌ره‌ڤ وه‌لاتێ هۆله‌ندا چوویه، نها ل كۆلیژا ئه‌ندازیارییا فرۆكه‌ڤانیێ یه و زێده‌باری كو چالاكڤانه‌كێ گه‌نجه.
تُتاح هذه الصورة أيضا في: کوردی
