بنگەهێ لالش پیرۆزباهیێ ل نادیا موراد دكت
ب دلەكی پر كەیخۆشی دەنگ و باسێ بەخشینا”نادیا موراد”ب خەلاتێ نۆبل یێ ئاشتیێ لگەل نۆژدارەكی كونگولی بهیست.
ئەم جوانترین پیرۆزباهیان ئاراستەی كچا كۆچۆ یا بریندار خانم”نادیا موراد”دكەین دووپات دكەین ئەڤ خەلاتكرن سارێژكرنا برینێن ئێزدیانە و پەیامەكا دلسۆزی هەڤگرتنا نێڤ نەتەوی یە لگەل ئێزدیان ژبەر وان ستەم و نەهامەتیان و كوشتن و سەرژێكرن و كارێن هۆڤانە یێن چەكدارێن رێكخراوا داعش یا تیرۆرستی ئەنجام داین ل دەمێ دەست بسەرداگرتنا شنگالێ دا،ل هەمان دەم دا ئەڤ خەلاتكرن وەك ئیرادەیەكا بهێزە ل هەمبەر تیرۆرا داعشێ و درەندایەتیا وێ كو دژی چەرخێ سەردەم و مرۆڤایەتیێ یە.
ئەڤ سەركەفتنا پر بەها ل هەموو ئێزدیان پیرۆز بت،كو هەلویستەكی مرۆڤایەتی یێ جیهانی یە بۆ نه‌خۆشیێن مە،دووپات دكەین كو جڤاكێ ئێزدی هەر دێ مینت جڤاكەكی ئاشتیخواز و پێكڤەژیانێ ب كار و كریار،و ئەم دكارن ب ئاشتیانە تیرۆرێ ژناڤ ببەین ب هاریكاریا ئاشیخوازان ل سەرانسەری جیهانێ.
دەستەیا بلندا بنگەهێ لالش یێ رەوشەنبیری و كۆمەلایەتی/دهۆك
5/10/2018
تُتاح هذه الصورة أيضا في: کوردی
