شێخ شامۆ: ئێكەتیێ و گۆران و لایەنێن ئیسلامی دژاتیا داخوازیێن ئێزدیان ل پەرلەمانێ كوردستانێ كرن
باسنيوز:
نوونەری كوردین ئێزدی ل پەرلەمانێ كوردستانێ بۆ (باسنیوز) دیار كر: “سەرۆك بارزانی و سەركرداتیا پارتی رازیبوون ل سەر كوتا ئێزدیان كربوون لی لایەنیێن دی یێن سیاسی بتایبەتی ژی ئێكەتیی دژاتیا پرۆژی كوتا ئێزدیان كرن ونەهیلان دەرباز بیت”.
شیخ شامۆ شیخۆ، نوونەری كوردین ئێزدی ل پەرلەمانێ كوردستانێ بۆ(باسنیوز) دیاركر: “ئەم بیژن هندی پارتی یا بهێز بیت وكورسیا ل پەرلەمانێ كوردستانێ زێدە ب دەستڤەبینت ئەو پرۆژەیێن گریدایی یێن ماف وتایبەتمەندیا كوردێن ئیزدی هەموو دی پەسەند بن دی دەرباز بن چونكو بتنی پارتی پشتەڤانێ ل ئێزدیان دكەت دووڤ سەربورا من هەی دسالین بۆریدا ل پەرلەمانێ كوردستانێ هەموو جارا سەرۆكی پارتی و سەركرداتیا پارتی دگەل هندی بوون مافێن ئێزدیان ل پەرلەمانێ بهێنە پاراستن”.
شێخ شامۆ ئاشكرا كر: “پارتی رازەمەندی ل سەر كورسیكا كوتا یا ئێزدیان كر بەری سیێ سالان ل وی دەمی جەنابی سەرۆك بارزانی رازیبوون كر ئیزدیان كوتا هەبیت لێ لایەنێن سیاسی ب ئاشكرایی ژی دژاتیی كرن بەری كوتا ئێزدیان لژنا 21 كەسی یا دەستۆری كوردستانێ هاتە دان من داخواز كر ئێك ژ وان 21 كەسان یێ ئێزدی بیت لێ ئیكەتیی و گوران وئیسلامییان دژاتیا داخوازا مە كرن”.
ئەوژی دیار كر: “پارتی دیموكراتی كوردستان ل سەر بریارا سەرۆك بارزانی كورسیكەك ژ بەهرا خوە دانە ئێزدیان نە بتنی كوتا نموونەیە لایەنیێن سیاسی دژاتیا ئێزدیان دكەن بەلكو گەلەك نموونەیێن دی هەنەلایەنیێن سیاسی دژاتیا ئێزدیان دكەن بتنی پارتی پشتەڤانێ ل ئێزدیان دكەت”.
شێخ شامۆ شێخۆ، سەرۆكێ دەستەیا بلندا بنگەهێ لالش یێ رەوشەنبیری و جڤاكی ل دهۆكێ نوونەری كوردین ئێزدی ل پەرلەمانێ گۆت: “بنگەهێ لالش بریار دایە ل ڤان هەلبژارتناندا كار بۆ سەرخستنا لیستا پارتی بكەت چونكو باوەریا مە پارتی دشێت د هەموو كاودانان دا پشتەڤانێ سەرخستنا گەلێ مە بیت ئارمانجا پارتی دیموكراتی كوردستان هەردەم ئەو بوویە خزمەتا ئێزدیان بكەت ومافین ئێزدیان بپارێزت وكار بو پاراستنا ئیزدیان دكەت وكار دكر بۆ بەلاڤكرنا فەرهەنگا پێكڤە ژیان ولیبَۆرینا ئایینی ونەتەوەیی ل هەرێما كوردستانێ ئەم وەكو بنگەهێ لالش هەردەم ل سەر پرسێن چارەنڤیساز ل گەل پارتی دیموكراتی كوردستان بووینە چونكو پارتی و سەرۆك بارزانی دشین رێبەریا گەلێ مە بكەن”.
ئاماژە دا وی چەندی ژی: “پتریا ئێزدیان دگەل پارتی دیموكراتی كوردستانن بۆ هەلبژارتنین پەرلەمانێ كوردستانێ ژی مە هەموو نڤیسینگەه و تایێن بنگەهیێن لالش هایداركرینە پێكڤە كار بۆ سەرخستنا لیستا پارتی بكەن وداخازی دكەین هەموو ئێزدی ل رۆژا 30/9 بچنە سەر سەندوقین دەنگدانی و دەنگ ب لیستا شەهیدان بدەت لیستا183ێ”.
تُتاح هذه الصورة أيضا في: کوردی
