قاره‌مانيه‌كا وه‌رزشى ل كه‌مپا ده‌ركارێ هاته ئه‌نجام دان
تۆرا لالش يا راگه‌هاندنێ
لژێر دروشمێ”وه‌رزش مه خرڤه دكت” ياريا داويێ يا قاره‌مانيا كه‌مپا ده‌ركارێ يا بچووكرى هاته ئه‌نجام دان.
ئيرۆ رۆژا شه‌مبوويێ 1ئه‌يلولا 2018ێ لژێر دروشمێ “وه‌رزش مه خرڤه دكت” ياريا داويێ يا قاره‌مانيا كه‌مپا ده‌ركارێ هاته ئه‌نجام دان ب ئاماده‌بوونا ئه‌ندامێن لالش و جه‌ماوه‌ره‌كێ زۆر يێ كه‌مپێ،كو ژبال بنگه‌هێ لالش تايێ شنگال ب هه‌ڤكارى دگه‌ل نڤيسينگه‌ها لالش تلقه‌سه‌ب هاتبوو رێكخستن.
ئه‌ڤ قاره‌مانى ب پشكداريا 35تيمێن وه‌رزشى ژ چه‌ند كه‌مپێن ئاواران ل سنوورێ پارێزگه‌ها دهۆكێ بۆ ماوێ سێ هه‌فتيان يا به‌رده‌وام بوو.
پشتى هه‌ڤركيێ لسه‌ر بده‌ستڤه ئينانا ناسناڤى هه‌ردوو تيمێن تلقه‌سه‌ب ژ كه‌مپا چه‌م مشكۆ و شه‌هيد شنگال ژ كه‌مپا شێخان گه‌هشتنه ياريا داويێ،دئه‌نجام دا تيما تلقه‌سه‌ب سه‌ركه‌فتن تۆماركر.
ل داويا ياريێ تيمێن سه‌ركه‌فتى و لژنا دادڤانان ژبال ئاماده‌بوويان ڤه هاتنه خه‌لاتكرن.
تُتاح هذه الصورة أيضا في: کوردی
