بەغدا عەرەبێن هاریكاریا تیرۆرستێن داعش كرین ڤەدگەرینە شنگال
باسنيوز:
قایمقامێ قەزا شنگال دیار كر: “حكومەتا عێراقی ب بریارەكا تاكلایەنە خێزانێن عەرەب یێن ک هاریكاریا تیرۆرستێن داعش كرین، بۆ رۆژهەلاتا قەزا شنگال زڤراندن”.
مەحما خەلیل، قایمقامێ قەزا شنگال بۆ (باسنیوز) دیار كر: “ب سەدان خێزانێن گوندێ گۆلات ل رۆژهەلاتا قەزا شنگال ب بریارەكا تاكلایەنە بێی ئاگەهداریا قایمقامیا شەرعیێ قەزا شنگال بهێتە كرن، بۆ شنگال هاتنە زڤراندن. ئەڤێ ژی خەلكێ شنگال بتایبەتی ئیزدی دلگران كرن، چونكو هەر ئەو عەرەب بوون ل تەباخا سالا 2014 دەمێ تیرۆرستێن داعش هاتین، بوونە پشتەڤان و هاریكارێن تیرۆرستان و هیرشی سەر شنگال كرن. نۆكە بەغدا بێی لێپرسینێ دگەل وان بكەت جارەكا دی زڤراندنە دەڤەرا شنگال. ئەم دبینن مەرەما بەغدا ئەوە فتنێ ل شنگال دروست بكەت وجارەكا دی خەلكێ مە تووشی كارەساتەكێ بن”.
خویا ژی كر: “وان عەرەبان دەست ب تاوانا كۆمكوژیا خەلكێ شنگالێ دا هەیە. هاتنا وان عەرەبان دبیتە مەترسی ل سەر ژیانا خەلكێ شنگال. ئەم چاڤەرێ بووین ئەو دەست ب تاوانا كۆمكوژیا خەلكێ شنگال دا هەی، بهێنە سزادان لێ هەتا نۆكە نەهاتینە سزادان یێ دهێنە زڤراندن بۆ شنگال”.
تُتاح هذه الصورة أيضا في: کوردی
