قایممقامێ شنگال: دوو جارن شاندێن عێراقى دچنه توركیا شنگال دئێته بوردۆمانكرن
باسنيوز:
قایمقامێ قه‌زا شنگال دیاركر:” چێنابیت فرۆكێن ده‌وله‌ته‌كێ بهێنه دناڤ ده‌وله‌ته‌كا دی دا، هه‌كه هه‌ردوو ده‌وله‌تان ئاگه‌ه ژ ئێكدو نه‌بیت. ئه‌ڤه دوو جارن شاندێن حكومه‌تا عێراقى دچنه توركیا دووڤدا فرۆكێن توركیا شنگال بۆردومان دكه‌ن”.
مه‌حما خه‌لیل، قایمقامێ قه‌زا شنگال بۆ(باسنیوز) دیاركر: “ده‌مێ سه‌رۆك په‌رله‌مانێ عێراقێ چوویه توركیا دووڤدا توركیا شنگال بۆردومان كر، نۆكه ژى ده‌مێ سه‌رۆك وه‌زیرێن عێراقى چوویه توركیا، ئەو ل توركیا بوو شنگال هاته بۆردومانكرن. ئه‌م دژى بۆردومانكرنێ نه مه نه‌ڤێت بۆردومان بهێته كرن ئاریشه ناڤبه‌را په‌كه‌كێ و توركیا دا هه‌نه دهێن ل شنگال شەر دكەن.پێدڤیه دناڤ توركیا دا كێشه‌یا خۆ چاره‌سه‌ربكه‌ن. هه‌ر بۆردومانكرنه‌كا دهێته كرن ئاریشه بۆ ده‌ڤه‌رێ دروست دكه‌ت وشنگال ته‌حمولا بۆردومانكرنێ ناكه‌ت، چوو په‌یوه‌ندیێن ملله‌تێ مه ب ڤان كاران ڤه نینه وسیاسه‌تا توركیا نه یا دروسته”.
قایمقامێ قه‌زا شنگال، خویا ژى كر: “ڤه‌كێشانا حه‌شدا شه‌عبى نه‌بوویه ئه‌گه‌ر ئێزدى ڤه‌گه‌رنه سه‌ر مالێن خوه ژبه‌ر هه‌بوونا په‌كه‌كێ ورێ گرتن ل ده‌ڤه‌رێ”.
دووڤ ئامارێن رێڤه‌به‌ریا گشتێ یا كاروبارێن ئێزدیان، ل وه‌زارتا ئه‌وقاف وكاروبارێن ئاینى حكومه‌تا هه‌رێما كوردستانێ، 360 ھزار ئێزدى ژبه‌ر تیرۆرستێن داعش ئاواره بووینه و ژمارا ئێزدیان ل عێراقى دگه‌هته 550 ھزار كه‌سان.
تُتاح هذه الصورة أيضا في: کوردی
