رێورەسمێن ئیمزاكرنا پەرتۆكا(باسكێ شێخان) ل كۆمه‌لگه‌ها مه‌هه‌تێ ب رێڤەچۆن
تۆرا لالش یا راگەهاندنێ
ئیرۆ چارشەمبوویێ 8ی تەباخا 2018ێ ل هۆلا لالش مەهەتێ و ل دەمژمێر 6ی هێڤاری ،رێورەسمێن نمایشكرن و ئیمزاكرنا پەرتۆكا(باسكێ شێخان) یا نڤیسەر و كەسایەتیێ ئایینی”پیر خەلات ئەلیاس” ب رێڤەچۆن.
د چارچۆڤێ بزاڤ و چالاكیێن نڤیسینگەها لالش مەهەتێ، ئیرۆ رۆژا چارشەمبوویێ ل هۆلا لالش مەهەتێ و ب ئامادەبوونا ژمارەكا كەسایەتیێن ئایینی و جڤاكی و رەوشەنبیرێن دەڤەرێ و بەرێزان”ئازاد موراد”بەرپرسێ بنگەهێ لالش تایێ شێخان و”كازم ئەلیاس” كارگێرێ ناوچا شێخان و”حازم هادی و عەبۆ حەجی و حازم شاكر” بەرپرسێن رێكخراوێن دێرسم و شەهید مەحمود ئێزدی وبارزان دگەل ژمارەكا زۆر ژ لاوان و قوتابی و ئەندامێن نڤیسینگەها لالش لالش مەهەتێ،رێورەسمێن نمایشكرن و ئیمزاكرنا پەرتۆكا(باسكێ شێخان) یا نڤیسەر و كەسایەتیێ ئایینی و ئەندامێ نڤیسینگەهێ”پیر خەلات ئەلیاس” ب رێڤەچۆن.
ل دەستپێكێ”مەهدی حەسەن”بەرپرسێ نڤیسینگەها لالش ب خێرهاتنا ئامادەبوویان كر و كورتیەك ژ بزاڤ و چالاكیێن لالش داخویاكرن و گرنگیا پەرتۆكێ و نڤیسینێ دا دیاركرن ودەست خۆشی ل پیر خەلات كر،بۆ بەرهەڤكرنا ڤێ پەرتۆكێ لسەر دیرۆك و ناڤ و نیشانێن گوندێن باسكێ شێخا،هەروەسا بەحسێ هەر دوو پەرتۆكێن پیر خەلات كر یێن بەری نهۆ بناڤێ(سەما،پیرۆزێن ئێزدیان) دەرئێخستین.
لدوڤ دا نڤیسەرێ پەرتۆكێ “پیر خەلات ئەلیاس”ب درێژاهی بەحسێ ناڤەرۆكا پەرتۆكا خۆ بۆ ئامادەبوویان كر.
ل داویێ ئامادەبوویان دەست خۆشی ل دەستەیا نڤیسینگەها لالش و پیر خەلات كرن،بۆ بەرهەڤكرنا ڤێ پەرتۆكێ و خزمەتا پێشكێش دكت.
تُتاح هذه الصورة أيضا في: کوردی
