نامه‌ك لسه‌ر جینۆسایدا شنگال بۆ عه‌بادى هاتیه ره‌وانه‌كرن
باسنيوز:
ئه‌ندامه‌كێ لیژنا بالا جینوساید ناساندنا دۆسیه‌یا كوردێن ئێزدى هه‌رێما كوردستانێ دبێژە هزاره‌ها به‌لگه‌نامه و دیكومینت ل سه‌ر جینوسایدا شنگال یێن هاتینه كۆمكرن و دۆسیه‌یا جینوسایدا كوردێن ئێزدى به‌رده‌وام دهێته رێڤه‌برن هه‌تا نوكه ل دادگه‌ها تاوانیێن نێڤده‌وله‌تى نه‌هاتیه ره‌تكرن وشكه‌ستن نه‌ئینایه به‌لكو حكومه‌تا هه‌رێما كوردستانێ هه‌ولێن به‌رده‌وام دایه بۆ جینوسایدا شنگال لێ ئاریشه ئه‌و هیشتا ل دادگه‌ها لاهاى نه‌هاتیه وه‌رگرتن چونكو به‌غدا نه‌بوویه ئه‌ندام
حۆسین قاسم حه‌سۆن، ئه‌ندامێ لیژنا بالا جینوساید ناساندنا دۆسیه‌یا كوردێن ئێزدى هه‌رێما كوردستانێ بۆ (باس) دیاركر: “گه‌له‌ك جاران داخاز ژ به‌غدا هاتیه كرن بۆ رێڤه‌برنا دۆسیه‌یا جینوسایدا شنگال لێ به‌غدا خوه بێده‌نگ دكه‌ت هیشتا چوو پێنگاڤ نه‌هاڤیتنه بۆ ڤى مه‌ره‌مى ژى نامه‌ك بۆ حه‌یده‌ر عه‌بادى سه‌رۆك وه‌زیرێن عێراقى هاتیه ره‌وانه‌كرن د نامێ دا داخواز ژ عه‌بادى هاتیه كرن هه‌ڤكاریى بكه‌ت بۆ وه‌رگرتن و رێڤه‌برنا دوسیه‌یا جینوسایدى لێ به‌رسڤى لسه‌ر نامه مه نه‌هاتیه دان ژلایێ عێراقى ڤه وه‌سا دیاره عێراقى نه‌ڤیت ل دادگه‌ها تاوانیێن نێڤده‌وله‌تى ئه‌ڤ كه‌یسا بهێته رێڤه‌برن چونكو دێ گه‌له‌ك تشت ئاشكرابن وعێراقى بیژت ئه‌ڤه كه‌یسه‌كا نافخۆیى بلا عێراقى بیت هه‌تا نوكه ل عێراقى دادگه‌هه‌كا تایبه‌تمه‌ند نێنه بۆ ڤێ كه‌یسا جینوسایدى”.
ئاشكرا كر: “ئه‌ڤه چار سالن ب سه‌ر جینوسایدا شنگال را چوون هه‌تا نوكه به‌غدا پشته‌ڤانیى ل دۆسیه‌یا شنگال نه‌كریه دۆسیه‌یا جینوسایدا شنگال ل دادگه‌ها تاوانیێن نێڤده‌وله‌تى شكه‌ستن نه ئینایه به‌لكو بتنى هنده‌ك ئه‌گه‌رێن یاسایى ماینه یێن بووینه رێگرن دۆسیه‌یا كوردێن ئێزدى ل دادگه‌ها تاوانیێن نێڤده‌وله‌تى نه‌هاتیه ره‌تكرن هه‌ولێن حكومه‌تا هه‌رێما كوردستانێ ژى بۆ جینوساید ناساندنا كاره‌ساتا شنگال به‌رده‌وامن هه‌تا نوكه دادگه‌ها تاوانیێن نێڤده‌وله‌تى به‌هانه‌یا نه‌بوونا مه‌رجیێن یاسایى نه‌شیاینه ڤه‌كۆلینى دۆسیه‌یا جینوسایدا شنگالێ دا بكه‌ن “.
ل 3/8/2014 تیرۆرستێن داعش ب شیوه‌یه‌كێ هوڤانه هیرشى سه‌ر قه‌زا شنگال كرن دئه‌نجامدا ژى ب هزاره‌ها كوردێن ئێزدى هاتنه گرتن و كوشتن و ره‌ڤاندن ل وێ ده‌مێ سه‌رۆك وه‌زیرى هه‌رێما كوردستانێ لیژنه‌ك بۆ جینوسایدا ناساندنا وێ تاوانا مه‌زن پێك ئێنا هه‌تا نوكه سه‌دان به‌لگه‌نامه و دیكومینت یێن هاتینه كۆمكرن بۆ دۆسیه‌یا جینوسایدى كاره‌ساتا شنگال وژدانا هه‌موو مرۆڤایه‌تى هه‌ژاند ل وێ ده‌مێ هه‌ڤپه‌ێمانیا نێڤده‌وله‌تى ب سه‌رپه‌رشتیا ئه‌مریكا هاته دروستكرن بۆ ژناڤبرنا تیرۆرستێن داعش ب سه‌رپه‌رشتیا سه‌رۆك بارزانى شنگال ژ ده‌ستێن تیرۆرستێن داعش هاته رزگاركرن لێ پشتى 16 ئوكتوبه‌رى وخیانه‌تا كه‌ركوك شنگال ژى هاته داگیركرن ژلایێ حه‌شدا شه‌عبى ڤه.
حۆسین قاسم ئه‌وژى دیاركر: “مه‌رجێن دادگه‌ها تاوانیێن نێڤده‌وله‌تى ژى ئه‌ون پێدڤیه عێراق ببیته ئه‌ندام ل دادگه‌ها تاوانیێن نێڤده‌وله‌تى هه‌كه عیراق نه‌بیته ئه‌ندام ژى سه‌رۆك وه‌زیرى عێراقى دشیت نڤیسیاره‌كى بداته دادگه‌ها تاوانیێن نێڤده‌وله‌تى داخازى ژى بكه‌ت بهێن ل عێراقى ڤه‌كۆلینى دۆسیه‌یا جینوسایدا كوردێن ئێزدى دا بكه‌ن لێ هیشتا ئه‌وژى نه‌هاتیه كرن یان ژى پێدڤیه جڤاتا ئاسایشا نه‌ته‌وه‌یێن ئیكگرتى دۆسیه‌یا جینوسایدا شنگال ره‌وانه‌ى دادگه‌ها تاوانیێن نێڤده‌وله‌تى بكه‌ت دڤان حاله‌تاندا دێ ڤه‌كۆلین دۆسیه‌یا شنگالێ دا هێته كرن ل دادگه‌ها تاوانێن نێڤده‌وله‌تى”.
زێده‌تر گۆت: ” نامه‌ك مه بۆ حه‌یده‌ر عه‌بادى سه‌رۆك وه‌زیرێن عێراقى ره‌وانه‌كریه مه داخاز ژى كریه عێراق داخوازى ژ دادگه‌ها تاوانیێن نێڤده‌وله‌تى بكه‌ت بهێن ڤه‌كۆلینێ جینوسایدا شنگالێ دا بكه‌ن دووڤ ماددێ سیێ ژ برگا 12ى په‌یماننامه‌یا رۆما حه‌یده‌ر عه‌بادى ڤێ داخازى ژ دادگه‌ها تاوانیێن نێڤده‌وله‌تى بكه‌ت بۆ ڤه‌كۆلینێ دۆسیه‌یێ دا مخابن عه‌بادى ئه‌ڤه ژى نه‌كریه هه‌ر ده‌مێ ئێك ژ ڤان بنه‌مایێن یاسایى هه‌بوون دێ دۆسیه‌یا جینوسایدى هێـته وه‌رگرتن ورێڤه‌برن ل دادگه‌ها تاوانیێن نێڤده‌وله‌تى چونكو دادگه‌ه یا گۆتیه مه پێدڤیه بنه‌مایه‌كێ یاسایى هه‌بیت ئه‌م یێ كاردكه‌ین بۆ ده‌ستڤه‌ئینانا ئێك ژ بنه‌مایێن یاسایى داكو ڤه‌كۆلین دۆسیه‌یا كوردێن ئێزدى دا بهێته كرن”.
ئه‌وژى دیاركر: ” هه‌تا نوكه په‌رله‌مانیێن گه‌له‌ك ده‌وله‌تان دانپێدان ب جینوسایدا شنگال كریه لێ هیشتا قانوونێن مایه بتایبه‌تى ژى ل دادگه‌ها تاوانیێن نێڤده‌وله‌تى ئه‌وژى گرێدایى عێراقى نه پێدڤیه حكومه‌تا عێراقى نه‌مینت بێده‌نگ دڤێ كه‌یسى دا داكو ئه‌ڤ كه‌یسا شنگال بهێنه رێڤه‌برن “.
تُتاح هذه الصورة أيضا في: کوردی
