لیژنه‌ك بۆ ئاشكه‌راكرنا چاره‌نڤیسێ سێ هه‌زار و 100 گرتيێن ئێزدى دئێته دروستكرن
باسنيوز:
ئه‌ندامه‌كێ جڤاتا پارێزگه‌ها مووسل دیاركركو بریار هاته دان ل مووسل لیژنه‌ك بۆ ئاشكراكرنا چاره‌نڤیسى 3100 ره‌ڤاندیێن ئێزدى بهێته دروستكرن دێ دوو نڤیسینگه‌ه بۆ دیتن چاره‌نڤیسى ره‌ڤاندیان هێنه ڤه‌كرن.
سه‌یدۆ چه‌تۆ، ئه‌ندامێ جڤاتا پارێزگه‌ها مووسل> بۆ (باسنیوز) دیاركر: “بریار هاته دان نڤیسینگه‌هه‌ك ژوانا دناڤ سه‌نته‌رێ پارێزگه‌ها مووسلێ دا بۆ ئاشكراكرنا چاره‌نڤیسى ره‌ڤاندیێن ئێزدى بهێته ڤه‌كرن دێ نڤیسینگه‌ها دویێ ل قه‌زا شنگال بهێته ڤه‌كرن چونكو ل شنگال پتریا گۆرێن بكۆم هه‌نه دێ لیژنا بلند یا كاروبارین بێ سه‌روشینكریان ل عێراقى دگه‌ل هه‌رێما كوردستانێ كاركه‌ت بۆ دیتنا چاره‌نڤیسى 3100 ره‌ڤاندیێن ئێزدى چونكو ئه‌ڤه چار سال بسه‌ر جینوسایدا شنگالێ ڤه چوون ئه‌و مۆچى بۆ بێ سه‌روشینكریا دهاته مه‌زاختن دهێته برین پێدڤیه چاره‌نڤیسى هه‌موو بێ سه‌روشینكریێن جینوسایدا شنگال 3/8/2014 بهێته ئاشكرا كرن”.
خۆیا ژى كر: “دێ ل ڤان نێزیكا ل پارێزگه‌ها دهۆكێ كار هێته كرن دگه‌ل هه‌موو دام وده‌زگه‌هیێن پارێزگه‌ها دهۆكێ پێكڤه كار بهێته كرن ل مووسل و شنگال بۆ ئاشكراكرنا چاره‌نڤیسى هه‌موو بێ سه‌روشێنكریان”.
ل رۆژا 3/8/2014 لسه‌ر ده‌مێ حكومه‌تا مالیكى تیرۆرستێن داعش هیرشى سه‌ر قه‌زا شنگال كرن دئه‌نجامدا هزاره‌ها كوردێن ئێزدى هاتنه گرتن وكوشتن وره‌ڤاندن وبێ سه‌روشینكرن هه‌تا نوكه ژى چاره‌نڤیسى گه‌له‌ك ره‌ڤاندى وبێ سه‌روشینكریێن كوردێن ئێزدى دیارنێنه.
تُتاح هذه الصورة أيضا في: کوردی
