شنگال.. فرۆكێن عێراقى باره‌گه‌هه‌كى په‌كه‌كێ بوردۆمانكر
K24 – دهۆك:
په‌يامنێرى كوردستان24 له شنگال رايگه‌ياند، فڕۆكه‌يه‌كى جه‌نگيى عێراقى بنكه‌كانى پارتى كرێكارانى كوردستان(په‌كه‌كه)ى له ناوچه‌ى (گه‌لى كه‌رسێ) بۆردومان كرد.
ماهير شنگالى، په‌يامنێرى كوردستان24 له شنگال رايگه‌ياند، گه‌ريلايه‌كى په‌كه‌كه، هه‌واڵى بۆردومانكردنه‌كه‌ى پشتڕاست كردووه‌ته‌وه و ئاشكرايكردووه، كاتژمێر (04:15)ى ئێواره‌ى ئه‌مڕۆ هه‌شت فڕۆكه‌ى جه‌نگى عێراقى له كاتى سووڕانه‌وه‌يان به ئاسمانى شنگالدا و له نزيك ده‌روازه‌ى گه‌لى كه‌رسێ بۆردومانى باره‌گاكانى په‌كه‌كه‌يان كردووه.
ئه‌و گه‌ريلايه له لێدوانه‌كه‌يدا بۆ كوردستان24 روونيشيكرده‌وه، ئه‌وان گومانيان بردووه ئه‌و فڕۆكانه توركى بن و بۆيه رووى مووشه‌كه‌كانيان ئاراسته‌ى فڕۆكه‌كان كردووه، به‌ڵام پێش ئه‌وه‌ى بيانكه‌نه ئامانج، باره‌گاكانيان له لايه‌ن ئه‌و فڕۆكانه‌وه بۆردومان كراوه.
سه‌باره‌ت به زيانه گيانى و ماڵييه‌كان، ئه‌و سه‌رچاوه‌يه هيچ زانيارييه‌كى ئاشكرا نه‌كرد.
تُتاح هذه الصورة أيضا في: کوردی
