ل شنگال گرۆپێن عسابه په‌یدابووینه
باسنيوز:
ئه‌ندامه‌كی جڤاتا قه‌زا شنگال دیاركر گرۆپێن عسابه ل شنگال په‌یدابووینه و یێن بووینه مه‌ترسی ل سه‌ر ژیانا وه‌لاتیان كه‌س ب یا كه‌سی ناكه‌ت. هه‌ر كه‌سه‌ك دگه‌ل حه‌شدا شه‌عبی نه‌بیت نه‌شێت بزڤرته ده‌ڤه‌رێ.
مه‌حفوز مه‌جید، ئه‌ندامێ جڤاتا قه‌زا شنگال، بۆ (باسنیوز) دیاركر: “هه‌ر كه‌سه‌ك بزڤرته شنگال دگه‌ل حه‌شدا شه‌عبی یان په‌كه‌كی كارنه‌كه‌ت نه‌شێت ل قه‌زا شنگال بژیت. ئه‌ڤه ژی بۆ خه‌لكی شنگال زۆر یا زه‌حمه‌ته، چونكو نۆكه خه‌لك ته‌ناهی وژیانێ ل قه‌زایێ دڤێت. ب مخابنی ڤه ته‌ناهی وژیان ل ده‌ڤه‌رێ نینه. چه‌ند هێز وگرۆپێن چه‌كدار په‌یدابووینه یێن بووینه عسابه ل ده‌ڤه‌رێ، هه‌ر ئێك ب كه‌یفا خوه كاردكه‌ت، ئه‌م داخازێ ژ حكومه‌تا عێراقی دكه‌ین ڤان عساب و گرۆپان ژ شنگال ده‌ربێخت”.
خویا ژی كر: “خه‌لكێ شنگال هه‌موو وه‌كو ماله‌كێ بوون و ئێك خێزان بوون، نۆكه ئه‌و شنگال نه‌مایه.كه‌س ل گه‌ل وان كارنه‌كه‌ت نه‌شێت ل قه‌زایێ بژیت”.
تُتاح هذه الصورة أيضا في: کوردی
