“هه‌تا نهۆ 13 هەزار خێزان ڤه‌گەرياينه شنگال”
رووداو – شنگال
سەرەڕای ئەوەی زیاتر لە سێ ساڵە شنگال کۆنترۆڵکراوەتەوە، بەڵام هێشتا شارۆچکەکە بێ خزمەتگوزارییە و بەشێكی کەمی خەڵکی ئەو شارەش گەڕاونەتەوە.
لە کۆی دانیشتووانی شنگال تەنیا 13 هەزار خێزان گەڕاونەتەوە سەر ماڵ و حاڵیان، ئەوانیش گلەیی لە نەبوونی خزمەتگوزاری دەکەن، هاتنی حەشدی شەعبیش بۆ شارۆچکەکە بەگوتەی خەڵک “رەوشەکەی خراپتر کردووە و، بەڵێنەکانی ئاوەدانکردنەوەی شوێنەکان جێبەجێنەکراون”.
ژنێکی کوردی ئێزدی کە گەڕاوەتەوە سەر ماڵوحاڵی خۆی دەڵێ “بەڕاستی ژیانی ئێمە زەحمەتە، نە گازمان هەیە، نە پزیشک، ئەگەر تەندروستیی کەسێکمان تێکبچێت، ناتوانین دەرزییەکی لێبدەین، منداڵەکانمان دەچنە قوتابخانە تەنانەت مامۆستاش لە قوتابخانە نییە”.
تُتاح هذه الصورة أيضا في: کوردی
