توركیا و عێراق هەول دەن ئۆپەراسیۆنەكا هەڤپشك دژی پەكەكێ ل شنگال ئەنجام بدەن
تۆرا لالش یا راگەهاندنێ
بەرپرسێ ئۆپەراسیۆنێن پێشمەرگەی ل فەرماندەیا شنگال دیاركر،توركیا هەولدەن دگەل حكومەتا عێراقێ ئۆپەراسیۆنەكا هەڤپشك دژی پەكەكێ ل شنگال ئەنجام بدەن،ئەم ناخوازن شنگال ببتە گۆرەپانا شەری.
(قاسم دەربۆ)بۆ رۆژناما دەنگێ لالش راگەهاند،ئەم نە دگەلداینە چوو شەر ل شنگال بێنە كرن گەلەك جاران مە داخواز ژ پەكەكێ كریە شنگال چوول بكن مە نەڤیت جارەكا دێ شەر ل شنگال رووبدەت پتر شنگال بێتە وێرانكرن،ئەم دگەلداینە پەكەكە شنگال چوول بكت بێ شەر ورێ نەئێتە دان توركیا ئۆپەراسیۆنەكا سەربازی ل شنگال ئەنجام بدەت،چونكو دێ خەلكێ شنگال بنە قوربانی و گۆت:(( ئەنجام دانا هەر ئۆپەراسیۆنەكێ ل شنگال دێ بتە ئەگەر خەلكێ مە تووشی مالوێرانیێ بن و ئەم ناخوازن چوو جاران خوونا كوردان بێتە رژتن،داخوازێ دكەین هەموو كێشە وبابەت ب دیالۆك و دانوستاندنێ بێنە چارەسەركرن،چنكو ب شەری چوو ئەنجام دەستڤە نائێن بتنێ دێ خەلكێ سڤیل بتە قوربانی)).
دەربۆ ئاشكەراكرژی،ئەم داخوازێ دكەین حەشدا شەعبی وپەكەكە ژ شنگال دوور بكەڤن و هەتا خەلكێ شنگال بكارت ب ئارامی ل مالا خۆ روونت خوارێ وجارەكا دی شەر ل شنگال نەێتە كرن.
تُتاح هذه الصورة أيضا في: کوردی
