بنگەھێ لالش داخوازا پاراستنا ژیانا ئێزدیان ل سووریا دکت
باسنيوز:
سەرۆکێ دەستەیا بلندا بنگەھێ لالش یێ رەوشەنبیری و کومەلایەتی، دیارکر کو ئێزدی ل سوریا پێدڤی پاراستنی نە، داکو وەکو کارەساتا شنگال ب سەرێ ئێزدیان ل سوریا ژی نەھێت بتایبەتی ل سەری کانیی، حەسەکە، قەستل جندو و ھەموو گۆندێن دێ یێن ئێزدی لێ ئاکنجیی پێدڤیە ژیانا ئێزدیان بھێنە پاراستن ژلایێ جڤاکێ نێڤدەولەتی ورێکخراوێن مرۆڤایەتی ڤە وھەموو سازیێن جیھانێ ڤە.
شێخ شامۆ، سەرۆکێ دەستەیا بلندا بنگەھێ لالش یێ رەوشەنبیری و کومەلایەتی، بۆ (باسنیوز) دیارکر: “ئەم وەکو بنگەھێ لالش ھەست ب دل گرانی و نەخوشیێ دکەین بەرامبەر پێشڤەچوونێن شەری ل سەر ئاخا عەفرینێ و خەلکێ وێ یێ سڤیل و ئاشتخواز، ئەڤێن کو شیاینە ھەر ژ دەستپێکا شەری برایێن خو یێن ئاوارە بووی ل ھەموو دەڤەرێن دی یێن سوریا ڤەحەوینن بو ماوەکێ درێژ. عەفرین و خەلکێ وێ نموونەکا پێکڤە ژیانا ھەمی پێکھاتێن ئاینی ونەتەویێ یە، ئەڤ دەڤەرا ئارام و ئاشتخواز روبەروی ڤان ھێرشێن ھووڤانە بوویە”.
خۆیا ژی کر: “ھەر ژ دەستپێکرنا شەری ل دەڤەرێن کورد نشین یێن سوریا کو ھێرش دژی کوردان ب گشتی و ئێزدیان ب تایبەتی بوو، ژوان گوندێ سەری کانی کو خەلکێ وێ ژ ترسا گروپێن چەکداریێن درندە ئاوارە بوون داکو ئەوا ب سەرێ خەلکێ شنگالێ ھاتی ب سەرێ وان ژی نە ھێت مەترسیەکا مەزن ل سەر ژیانا ئێزدیان ل وەلاتی سوریا دروست بوویە”.
ئاشکەرا کر: “ل گۆرەی داخویانیێن بەرپپرسێن بلند یێن دەولەتا توزرکیا دوور نێنە بنگەە و پێگەھێن پەکەکێ ل شنگال ژێ بھێنە بۆمبەباران کرن ئەو یەک ژی دێ پتر رەوشا شنگالێ ئالوز کەت وبرینێن شنگالیان کووتر لێکەت یێن ھێشتا ژ دربێن داعشێ ساخ نەبووین، پێشتر گەلەک ئالیان و ژوان ئالیێن ئێزدی ژی داخواز ژ پەکەکێ کرییە بنگەھیێن خوە ل شنگالێ چۆل بکەن دا چو ھێرشێن پێشبینی کری نەھێنە ئەر دەڤەرێ لێ ب مخابنی ڤە وان داخوازیان چوو بەرسڤ ژ ئالیی بەرپرسێن وێ حزبێ ڤە نەبووینە”.
شێخ شامۆ گۆت ژی: “دوژمنکاری وترساندنا ژئالیی دەولەتا تورکیا وبکارئێنانا گرۆپێن چەکدار دگەل وان بۆ ھێرشا سەر عەفرینێ ژ بنەمایەکێ ئۆلی دەردکەڤیت ول ژێر دروشمێ کو ئێزدی کافرن وشەرێ وان دێ وان بەتە بەھشتێ پێکھاتەیێن ئۆلی دکەنە ئارمانج”.
تُتاح هذه الصورة أيضا في: کوردی
