کوردێن ئێزدی دێ رێورەسمێن جەژنا چلێ ھاڤینێ ل پەرستگەھا لالش گێرن
باسنيوز:
بەرپرسێ لیژنا رەوشەنبیری دەستەیا بلندا بنگەھێ لالش یێ رەوشەنبیری و کۆمەلایەتی، دیارکرکو کوردێن ئێزدی سوبەھێ 2/8/2017 دێ ری و رەسمێن جەژنا چلێ ھاڤینێ ل پەرستگەھا لالش گێرن وتێدا دێ مجێور و سەرەدریێن خاسا سماتێ چێدکەن و کەسێن نەمۆرکری ژێ ب ئاڤا کانیا سپێ دھێنە مۆرکرن و قەول و بەیت دھێنە گۆتن.
شەمۆ قاسم، بەرپرسێ لیژنا رەوشەنبیری دەستەیا بلندا بنگەھێ لالش یێ رەوشەنبیری و کۆمەلایەتی، بۆ(باسنیوز)دیارکر: “ھەر کەسەکێ چلێ ھاڤینێ ب رۆژی بیت دبیژنێ چلەگر سوبەھێ دێ بیتە جەژنا چلێ ھاڤینێ لجەم کوردێن ئێزدی و گرتنا رۆژیان ژێ نە فەرزە بەلکو خێری ھەر کەسەکێ بڤیت دشێت چل رۆژیا بگرت جەژنا چلێ ھاڤینێ ژێ ل پەرستگەھا لالش دھێتە گێران ئێزدی قەستا پەرستگەھا پێرۆزا لالش دکەن ل مەزار ونێشانگەھێن خاسا زیارەتی دبن”.
خۆیا ژی کر: “جەژنا چلێ ھاڤینێ پشتی گرتنا چل رۆژیێن چلێ ھاڤینێ دھێت بتایبەتی ژێ دەروێش و شکەستی و زانایێن ئۆلا ئێزدیان وھەر کەسەکێ بڤیت دشیا چل رۆژان ب رۆژی بیت چونکو ئەڤ رۆژیێن ئێزدیان نە فەرزن”.
تُتاح هذه الصورة أيضا في: کوردی
