بەرێز”شێخ شامۆ” دگەل بەرێز”جۆزیف پینینگتۆن” بەرپرسێ دۆسەیا عێراقێ ل وەزارەتا دەرڤەیا ئەمریكا كۆم بوو
تۆرا لالش یا راگەهاندنێ
بەرێز”شێخ شامۆ”ئەندامێ لژنا بلندا ریفراندۆما هەرێما كوردستانێ و سەرۆكێ دەستەیا بلندا لالش ل دهۆكێ،ئیرۆ دووشەمبوویێ 31تەمووزا 2017ێ ل واشنتۆن، دگەل بەرێز”جۆزیف پینینگتۆن” بەرپرسێ دۆسەیا عێراقێ ل وەزارەتا دەرڤەیا ئەمریكا كۆم بوو.
دكۆمبوونێ دا هەردوولایان بارودۆخێ عێراقێ و كوردستانێ و كێمینەیان ب گشتی و ب تایبەتی ئێزدیان گۆتوبێژكرن.
دتەوەرەكێ دی دا بەرێز”شێخ شامۆ”ب درێژی رەوشا ئێزدیان كا چاوا بووینە قوربانیێن ئالۆزیێن عێراقێ و مەرگەساتێن ب سەردا هاتین ب گۆتن و راپۆرت پێشكێشی جۆزیف كرن ، پاش بیرو بۆچۆنێن خۆ لێك گوهارتن لسەر بارودۆخێ نهۆ یێ عێراقێ پشتی رزگارركرنا مووسلێ ژ دەستێ رێكخراوا تیرۆرستی یا دعشێ.
ژلایەكێ دی ڤە شێخی بەحسێ گرنگیا ریفراندۆما هەرێما كوردستانێ بۆ بەرپرسێ دۆسەیا عێراقێ كرو دیاركر كو چارەنڤیسێ پێكهاتێ ئێزدی هەلاویستی مایە و لسەر قوربانیێن مە داین پێتڤیە پشتەڤانێ مە بن و هەموو پێكهاتێن شنگال و دەشتا نەینەوا دریفراندۆمێ دا بریارا چارەنڤیسێ خۆ بدەن،دووپاتكر كو ریفراندۆما هەرێما کوردستانێ كلیلا چارەسەركرنا دەرد و داخوازی و ئێش و ژان و گرەنتیا ماف و پاشەرۆژا مەیە.
بۆ زانین ل رێككەفتی 28/7/2017ێ بەرێز”شێخ شامۆ” ب مەرەما پشكداریكرنێ د كۆنفرانسێ كوردستان هەڤپەیمانا ستراتیژی یا ئەمریكا،سەرەدانا واشنتۆن كربوو.
تُتاح هذه الصورة أيضا في: کوردی
