شێخ شامۆ:بنگەهێ لالش دێ هاریكاریێن دارایی پێشكێشی قوتابیێن ئێزدی كت
تۆرا لالش یا راگەهاندنێ/جەعفەر سمۆ
سەرۆكێ دەستەیا بلندا بنگەهێ لالش راگەهاند:”بنگەه دێ هاریكاریێن دارایی ژ بەخشینەیا بنگەهی بۆ قوتابیێن ئێزدی یێن كێم دەرامەت ل زانكۆ و پەیمانگەهێن هەرێما كوردستانێ تەرخان كت”.
بەرێز”شێخ شامۆ”سەرۆكێ دەستەیا بلندا بنگەهێ لالش د داخویانیەكێ دا بۆ(تۆرا لالش یا راگەهاندنێ)گۆت:”دگەل هەموو تایی و نڤیسینگەهێن خۆ رێككەفتین هەیڤانە رابین ب تەرخانكرنا گوژمەكێ دراڤی ژ بەخشینەیا تایی و نڤیسینگەها و پێشكێشی قوتابیێن ئێزدی ل زانكۆ و پەیمانگەهان بكەین،پتریا گوژمەی دێ پێشكێشی قوتابیێن ئاوارە ئێتە كرن،ئەڤ گوژمە دێ پشكەكا پێتڤیێن وان دابین بكت و مە هاریكارییا ژمارەكا دی یا قوتابیان چ ب مادی یان مەعنەوی هاتیە كرن”.
شێخی ئاماژەكر:”پشتەڤانیكرنا قوتابیان ئێك ژ ئارمانجێن بنگەهێ لالشە و ژ سالا 2007ێ وەرە بنگەه رابوویە ب ڤەگوهاستنا نێزیكی پتر ژ 9هەزار قوتابیان ژ زانكۆ و پەیمانگەهێن عێراقێ بۆ زانكۆ و پەیمانگەهێن هەرێمێ ب رێیا حكوومەتا كوردستانێ”.
تُتاح هذه الصورة أيضا في: کوردی
