دیدارا لالش یا ئێكێ ل ژێر دروشمێ “ئێزدی و پرۆژێ دەولەتبوونا كوردستانێ”هاتە سازدان
تۆرا لالش یا راگەهاندنێ
ل ژێر دروشمێ (ئێزدی و پرۆژێ دەولەتبوونا كوردستانێ)،ل هێڤارا رۆژا شەمبوویێ 11/2/2017ێ، دیدارا لالش یا ئێكێ ل ئاڤاهیێ دەستەیا بلندا بنگەهێ لالش یێ رەوشەنبیری و كۆمەلایەتی و ب ئامادەبوونا ژمارەكا زۆرا كەسایەتیێن سیاسی و حزبی و حكوومی و ئاینی و رەوشەنبیری و جڤاكی و گرنگیپێدەرێن رەوشا ئێزدیا هاتە سازدان.
ل پێشیێ بخێرهاتنا مێڤانان هاتە كرن و وەك رێزگرتن بۆ گیانێ جانگۆریێن كوردستانێ و سەروەرێ وان بارزانیێ نەمر،ئامادەبوویی خۆلەكەكێ راوەساتیان،ل پێرە بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی پەیڤەك پێشكێشكر و تێدا ب خێرهاتنەكا گەرم ل ئامادەبوویان كر و دیاركر كو پێتڤیە هەموو ب رۆلێ خۆ رابن پێخەمەت پێكڤەكاركرنێ و هەڤكار و پەیڤەكا ئێكگرتی هەبت بۆ خزمەتكرنا گەلێ مە و ب تایبەت ل ڤێ رەوشا هەستیار و راست دا یا دەڤەر ب شێوەیەكێ گشتی و كوردستان ب تایبەتی تێرا دەرباز دبت و دبەرهەڤ بین بۆ دانانا جهێ خۆ درێڤەبرنا دەولەتێ دا ل دەمێ دەولەتا كوردستانێ دئێتە راگەهاندن.
پاش بەرێز”ئەرشەد حەمەد”ئەندامێ لژنا ڤەكۆلین و خووندنێ ل بنگەهێ لالش چەند پرس لگەل بەرێزان”جەعفەر ئیبراهیم”جێگرێ سەرۆكێ پەرلەمانێ كوردستانێ و ئەندامێ مەكتەبا سیاسی یا پارتی و “فەرهاد ئەتروشی”پارێزگارێ دهۆكێ و”مۆید تەیب”رەوشەنبیر و نڤیسكار و “كەریم سلێمان”شارەزا دوارێ ئێزدیا دا كرن.
هەروەسا گەنگەشەیێن دیدارێ ب شێویەەكێ راستیانە و زەلال هاتنە ب رێڤەبرن،ل دۆر رەوشا ئێزدیان ل پاشەرۆژێ ل دەمێ راگەهاندنا دەولەتا كوردی و ئێزدی چ بكن بۆ خۆ بەرهەڤكرنێ بۆ ڤێ قۆناغێ و ماف و ئەركێن دكەڤنە سەر ملێن وان.
ل داویێ گوه ل پرسیار و بۆچۆنێن ئامادەبوویان هاتە كرن و گەنگەشە ل سەر هاتە كرن.
تُتاح هذه الصورة أيضا في: کوردی
