رێكخراوەك نێزیكی 540 ئێتیمێن شنگالێ ل كۆمەلگەها خانكێ خودان دكت
تۆرا لالش یا راگەهاندنێ
ئاڤاهیەك بۆ خودانكرنا نێزیكی 540 ئێتیمێن شنگالێ ل كۆمەلگەها خانكێ،ژلایێ رێكخراوا ئەوەر برێچ ڤە ل خانكێ هاتە ئاڤاكرن و هەموو پێتڤیێن وان دێ ئێنە دابینكرن.
خێری جەعفەر،بەرپرسێ رێكخراوا ئەوەر برێچ ل خانكێ بۆ رۆژناما دەنگێ لالش گۆت:” نێزیكی 540 ئێتیمێن شنگالێ ل كۆمەلگەهێ مە هەینە و مە ئاڤاهیەك ئاڤاكریە و نۆكە دقۆناغێن داویێ دایە و دێ وان ئێتیمان تێدا خودان كەین و هەموو پێتڤیێن وان دێ دابین كەین و هەیڤانە هەركەسەكێ ژوان 29هەزار دیناران ددەینێ،پرۆژێ ئیختیمان ژلایێ ئەوەر برێج ڤە ل ئەلمانیا هەرسال ئاهنگەكێ دگێرن و دراڤێ وان دئێتە تەرخانكرن بۆ ڤان ئێختیما و ب رێیا ئەنتەرنێتی ژی مە خەلك ئاگەهداركریە كو هەر كەسەكێ ڤان خودان بكت دێ هەیڤێ 21 یۆرۆیا دەتێ یە و مەرجێن مە ئەون هەر كەسەك یان رێكخراوەكا هاریكاریێ بكت دێ گرێبەستێ بۆ ماوێ سالەكێ دگەل چێكن”.
حەعفەر ئاماژەكر:”ئەڤ ئێتیم پێتڤی هاریكاریێ نە و هەر كەسەكێ بكارت هاریكاریێ بكت دێ سوپاسدار بین”.
تُتاح هذه الصورة أيضا في: کوردی
