ئیراق دێ دووڤچوونێ بۆ 5 هزار سكالایێن ئێزدیان كه‌ت
waar – دهوك :
په‌یڤدارێ ده‌ستهه‌لاتا دادوه‌ری یا ئیراقێ ئاشكه‌را كر: ده‌ستهه‌لاتا دادوه‌ری هاتیه راسپاردن ژ بۆ لێكۆلینێ لسه‌ر وان تاوانێن ژ ئالیێ تیرۆرستێن داعشێ ڤه ل هه‌مبه‌ری ئێزدیان هاتینه كرن.
دادوه‌ر عه‌بدولستار به‌یره‌قدار، په‌یڤدارێ ده‌ستهه‌لاتا دادوه‌ری یا ئیراقێ د راگه‌هاندنه‌كێ دیاركر: ده‌ستهه‌لاتا دادوه‌ری هه‌ست ب مه‌ترسیا وان تاوانان دكه‌ت ئه‌وێن ل دژی پێكهاته‌یا ئێزدی ل سنۆرێ پارێزگه‌ها مووسلێ هاتینه كرن، له‌ورا ده‌سته‌یه‌كا دادوه‌ری پێكئینایه ژ بۆ لێكۆلینێ لسه‌ر وان تاوانان.
دا زانین ژی: ده‌سته‌یا دادوه‌ری تا نها پێشوازی ل 5 هزار سكالایان كریه و نوكه لگۆری به‌لگه‌یان مژوولی لێكۆلینا وان به‌لگه‌یانه.
به‌یره‌قداری راگه‌هاند ژی: سكالایێن پێكهاته‌یێن ئێزدی ژ ئالیێ دادوه‌ری ژی گۆتنێن وان هاتینه وه‌رگرتن، نه‌ك تنێ ئه‌و سكالایه ل ناڤه‌نده‌كا پۆلیسان هاتبینه تۆماركرن.
تُتاح هذه الصورة أيضا في: کوردی
