سمینارەك ل دۆر هەڤژینیا بلەز و توند و تیژیێ ل كەمپا شاریا هاتە گێران
تۆرا لالش یا راگەهاندنێ
ئوفیسا لالش – دهۆك ب هەڤكاری دگەل رێكخراوا(wro ) و رێكخراوا هاریكار،ل رۆژا پێنج شەمبویێ رێككەفتی 22/9/2016ێ،ب گێرانا سمینارەكێ لدۆر (هەڤژینیا بلەز و توند و تیژیێ بۆ كۆمەكا كچێن سنێلە) ل كەمپا شاریا رابوون.
دڤێ سمینارێ دە ئەڤسەر”هاری مەحەمەد عەلی”بەرپرسێ بنگەهێ توند و تیژی یێ سەر ب رێكخراوا هاریكار ڤە،بەحس ل هەڤژینیا بلەز كر و هەروەسا یاسایێن نوو یێن حكوومەتا عێراقێ یێن گرێدایی هەڤژینیێ دانە دیاركرن ژ ئەگەرێ رێژەیا زۆر یا هەڤژینیا سنێلەیان كو دتەمەنێ15 سالی و كێمتر بریار دان كو تەمەنێ 15 سالیێ دە (گرێبەستا هەڤژینیێ) بێتە قەبوولكرن ، تەكەست كر كو هەڤژینیا بلەز دبتە ئەگەرێن ژ دەست دانا خووندنێ و زێدەبوونا نەخۆشیان مینا نەخۆشیێن دەروونی و جەستەیی،ژبەركو تەمەنێ وان هێشتا د گەشەكرنێ دایە ب تایبەت كچ.
ژلایەكێ دیڤە و سەبارەت توند و تیژیێ گۆت:كو گەلەك جاران كچ ژ ئالیێ خێزانی ڤە توند و تیژی لێ هاتیە كرن ،ژبۆ هەڤژینا بزۆری و قوتان، هەر دیسان گەفێن ژ ئالیێ گەنجان ڤە ل كچان دئێنە كرن و چارەسەریا وان ب رێیێن ئاسایی و بنگەهێن گرێدایی توند و تیژیێ و دوور ژ خۆ كوشتن و خۆشەوتاندنێ.
پاش گەنگەشە هاتە كرن و گەلەك سەرپێهات هاتنە ئازراندن ژ ئالیێ ئامادەبوویان ڤە،ژبۆ پتر مفا وەرگرتنێ.
تُتاح هذه الصورة أيضا في: کوردی
