بنگەهێ لالش پیرۆزباهیا نادیا موراد دکت و داخوازێ دکت زولما ب سەرێ ئێزدیان هاتی نەئێتە بکارئینان بۆ مەرەمێن سیاسی
ڕاگەهاندنا دەستەيا بلندا بنگەهێ لالش:
ل ئاڤاهیێ نەتەوەیێن هەڤگرتی ل نییۆرک دوهی ئیڤاری ڕۆژا ئینیێ ۱٦ئەیلولا ۲۰۱٦ ،ڕێ وڕسمێن خەلاتکرنا ڕزگاربوویا ئێزدی نادیا موراد هاتنەکرن وناسناڤێ بالیۆزا نیازپاکیێ ل نەتەوەیێن هەڤگرتی بۆ وێ هاتە بەخشین ، ئەو پۆستەکێ پڕۆتۆکۆلییە هاتییە دان بۆ جارا ئێکێ یە تیتەدان بۆ کەسایەتیەکا ئێزدی ل سەر ئاستێ نێڤ نەتەوەیی .
مە دڤێت ئاماژێ پێ بدن کو بنگەهێ لالش ئێکەمین جهەت بوو پشتەڤانیا ڕزگاربوویێ نادیە مراد کری ، ئەم دگەل وێ ڕاوەستاین پشتی مە بەرێ خوە دایە ئێش و ئازارێن ب سەرێ وێ هاتین ل دەمێ هێش نەهاتی ناسکرن بۆ یێن دن ، دگەل داکۆکیکرنێ ژبۆ پێشکێشکرنا هەمی ڕەنگێن پشتەڤانیێ بۆ وێ و وانێن ڕزگاربووی ژ خێزانا وێ ، و ب کریار گەلەک ئاسانکاری هاتنە پێشکێشکرن بۆ کەچا مە نادیە مراد ، مە نەڤێت ئەم وان تشتێن هووربینی و لایەنی دیاربکەن ، ژبەرکو ئەرکێ مەیە .
پشتی دیاربوونا ناڤێ نادیە مراد و بووی هێمایێ ئێش و ئازارێن ئێزدیان ، ب مخابنیڤە هندەک مفا پەرێس و دەلیڤە پەرێس ل دۆرا وێ کۆمبوون ، و هەولدان دۆزا ڕزگاربوویێن ئێزدیان بکاربینن بۆ مەرەمێن سیاسی و هەولدانێت وان ژبۆ کارتێکرنێ ل بریارێن ڕزگاربوویێ نادیە مراد ، بەلگەیێ وێ چەندێ کو ڕەزامەندیێن فەرمی و پێدڤی هاتنە وەرگرتن ژبو هاتنا نادیە مراد بۆ هەریما کوردستانێ و چاڤپێکەفتنێ دگەل بلندترین سەرکردایەتی ،بەلێ هندەک ژ دەورووبەرێ وێ ، نەهێلان ئەو بهێتە هەریما کوردستانێ ژبەر ئەگەرێن سیاسیێن دیار .
ئەم ئاماژێ دکەین کو پشتەڤانیا بنگەهێ لالش بەردەوام بوو بۆ ڕزگاربوویێ نادیە مراد ژبلی وێ هەمیێ ، مە چەندین بەیاننامە دەرێخستن کو داکۆکی ل وێ دەستکەفتیێ ب دەستڤە هاتی ژبۆ بەرژەوەندیا زولم و ستەما ل سەر ئێزدیا ، و هەروەسا ڕاگەهاندنا دەستەکا بلندا بنگەهێ مە یا تیتە خواندن و ئەلکترۆنی ژی دبەردەوامن ژبو پشتەڤانیا وێ ب ڕاگەهاندنێ ، بەلکو ئەم دەخوازێ دکەن ئەو زولما ب سەرێ ئێزدیان هاتی نەئیتە بکارئینان بۆ مەرەمێن سیاسی ، چنکو ئەوا ب سەرێ خەلکێ مەی ئێزدی هاتی نەژبەر ژیاتیێن وانی حزبی بوو ، ژبەرکو ئەو ئێزدی بوون گرێدای ئاخ و ئەردێ خۆبوون یاکو پشکەکی ڕەسەن ژ ئەردێ کوردستانێ ، و ژبەر ڤێ چەندێ سیاسیکرنا دۆزا ڕەڤاندیێن ئێزدیا ل پێشیێ دێ زیانێ بگەهینتە دۆزا ئێزدیا ، دێ هەڤسۆزی و پشتەڤانیا ناڤخۆی و هەڕیمێ و نێڤ دەولەتی ژی دێ كێم كەت بۆ ئێزدیان .
جهێ داخێ یە نە ئامادەبوونا هندەك لایەن و كەسایەتیێن ئێزدیا ل ئاهەنگا خەلاتكرنا نادیە مراد و ل پێشیا هەمیان ژی نوێنەرێن كەس وكارێن رزگاربوویێن ژ خەلكێ گوندێ كۆچۆیا وێران ، زێدەباری ئەوێن رزگاربووی ژ كوشتنێن ب كۆم ب شێوەیەكی سەیر ل كۆچۆ ژوان ژی برایێ نادیە مراد ، زێدەباری كو بنگەهێ لالش ئەوێ رۆلەكێ بەرچاڤ هەی هەر ژ رۆژا كارەساتا شنگالێ روودای ، هندەك كەس بەشداری بەرهەڤیێ ببوون ئەوێن دترسن سەرەدانا كەمپێن ئیزدیان بكەن نەكو ئەو بهینه دەرێخستن ژلایێ خەلكێ مەی ئاوارە ، ئەم ڤێ چەندێ دبێژن ، كو ئەم ل وێ باوەریێ نە ئامادەبوونا مە یان نە ئامادەبوونا مە ژ بهایێ مە كێم ناكەت و چ تشتی ژی ل سەر مە زێدەناكەت ، بەلكو ژبۆ پشتەڤانیا كەچا مە نادیە مرادە.
هەروەسا ئەم مانە حەیری درێ و رسمێن خەلاتكرنێ دا ، ئاماژە نەهاتەكرن بۆ قوربانیێن هێزێن پێشمەرگەی ل دەمێ ئازادكرنا شنگالێ دا بۆ زانین برایێ رزگاربوویێ نادیە مراد ئیك ژ ئەفسەرێن فەرماندەیا شنگالێ یە ، و ئاماژە نەدان ب ئازارێن ٤٠٠،٠٠٠ ئاوارەیێن ئێزدی یێن كو تینه هەمبیزكرن ژلایێ هەرێما كوردستانێڤە و هاریكاری و پشتەڤانیا جودا جودا و هەمەجۆر بۆ وان تیتە پێشكێشكرن سەرەرای قەیرانا داڕایی یا كو ژبەر دنالیت ، هەروەسا بەحسێ وی لایەنی نەهاتەكرن ئەوێ گرتیێن مە ڕزگاركرین و پشتەڤانی كری بۆ ڕزگاركرنا ۲٦٥۲ كەسا ژوان ، ۹٥٦ ژن ، و یێن ماین زەلام و زاڕۆك بوون ، مەرەما مە نڤیسینگەها كاروبارێن گرتیا یاسەر ب نڤیسینگەها بەرێز نیچیرڤان بارزانی ڤە سەرۆكێ حكوومەتا هەرێمێ .
چێنابیت ئازارێن ئێزدیان بهێنە بكارئینان بۆ بەرژەوەندیا جهەكی حزبی ، نابیت رێكخراوێن ئەنترنێتی ئەوێن هیچ هەبوونەك نەی ل سەر ئەردێ واقعی ئازارو زولما بسەرێ ئێزدیان هاتی بكاربینن ژبۆ هندەك ئارمانجێن باش بۆ مە دخویانە .
بلا ئەم بهێلین نادیە مراد پێڤاژۆیا خوە تمام كەت ژبۆ گەهاندنا ئازارێن ئێزدیان بۆ هەمی جیهانێ ، و پێڤاژۆیا وێ نە ئێخینە دهزرێن بەرتەنگدا چنكو كەچا كوردستانێ یە و نوینەراتیا هیچ لایەنەكی حزبی ناكەت ، بەلكو نوێنەراتیا پشكەكێ ژ ئازارو دەردەسەریێن خەلكێ مەدكەت .
تُتاح هذه الصورة أيضا في: کوردی
