عبدالخالق بابیری:پارتی و سەرۆك بارزانی کار ژبۆ سەربه‌خۆیا کوردستانێ دکن
تۆرا لالش یا راگەهاندنێ
عبدالخالق بابیری،ئەندامێ سەركردایەتیا پارتی دیموكراتی كوردستان و بەرپرسێ لقا ئێك یا پارتی،دسمینارەكێ دە ل كەمپینا لالش یا رەوشەنبیری بۆ قوتابیێن شنگالێ ل ناوچەدارییا زاویتە راگەهاند كو ئێدی عێراقا ئێكگرتی نەما و ب قەناعەتا پارتی مەحالە خەلكێ عێراقێ ئەڤە 100سالە نکاری بهەڤرە بژی ژنوو پێكڤە ناژیت،لەوما پارتی و سەرۆك بارزانی داخوازێ دكە ئەم جودابن.
دبەردەوامیدان ب كەمپینا لالش یا رەوشەنبیری بۆ قوتابیێن شنگالیێ ل ناوچەدارییا زاویتە،ئیرۆ 28/8/2016 و ب ئامادەبوونا “شێخ شامۆ” سەرۆكێ دەستەیا بلندا بنگەهێ لالش ل دهۆكێ و رێڤەبەرێ ناوچەداریێ و چەندین دام و دەزگەهێن زاویتە،سمینارەك بۆ “عبدالخالق بابیری” ئەندامێ سەركردایەتیا پارتی دیموكراتی كوردستان و بەرپرسێ لقا ئێك یا پارتی،ل دۆر رەوشا نۆكە یا سیاسی ب تایبەت ل دەڤەرا شنگال هاتە پێشكێشكرن و تێدا بەحسێ دیرۆكا عێراقێ كر و چما پارتی داخوازا دەولەتبوونێ و جوودابوونێ دكت وگۆت:” ئێدی عێراقا ئێكگرتی نەما و ب قەناعەتا پارتی مەحالە خەلكێ عێراقێ ئەڤە 100سالە نکاری بهەڤرە بژی ژنوو پێكڤە ناژی ،لەوما پارتی و سەرۆك بارزانی داخوازێ دكە ئەم جودابن و کار ژبۆ سەربه‌خۆیا کوردستانێ دکن”.
دتەوەرەكێ دی دا ب تێر و تەسەلی بەحسێ خۆراگریا خەلكێ شنگالێ كر و دهەمان دەم دا سەرەرای ڤی بارودۆخێ نالەبار ڤان كچ و خۆرتێن شنگالێ كارین پلێن وەسان یێن باش ب دەست ڤە بینن،ئەڤە خۆ ب خۆ نیشانا هندێ یە كو خەلكێ شنگالێ یێ ب هێزە وئیرادا خۆ رادەستی چوو دوژمنان ناكەتن،ژلایەكێ دیڤە بەحسێ مال وێرانییا ب سەرێ مللەتێ كور هاتی د دیرۆكی دە و ب سالان هەموو ب رێزكرن و داوی یا ب سەر شنگالێ دا هاتی.
هەروەسان دسمینارێ دا قوتابیان ژی گۆت بۆ گرنتیا مانا مە چی یە و گرنتیا دووبارەنەبوونا كارەساتێ “بابیری”دیاركر كو گرنتیا وێ ئەوە ئەم جودا ببن دا سبەرۆژێ کارەسات ب سەر مەدا نەئێن،ژبۆ هەر پیلانەکێ مەترسیدار ب دەستێ خۆ بەرەڤانیێ ژ خۆ بكەین.
دسمینارێ دە گەنگەشە دناڤبەرا قوتابیان و سمینار بێژی دا هاتە كرن و بەرێز” عبدالخالق بابیری “پێشوازیا بۆچونا وان كر و بەرسڤا هەموو پرسیارێن قوتابیان دان.
تُتاح هذه الصورة أيضا في: کوردی
