بنگه‌هێ لالش پێشەوازیێ ل دەستنیشان کرنا نادیا مراد دکت وەک بالیۆزا نیاز پاکیێ ل نەتەوەیێن ئێکگرتی
ب خۆشحالی ڤە مە بەرێ خۆدا دەستنیشان کرنا رزگاربوویا ئێزدی ژبن دەستێن چەتەیێن تیرۆرستێن داعش ،نادیا مراد،وەک بالیۆزا نیازپاکیێ ل نەتەوەیێن ئێکگرتی ،ژبەرکو گەلەک ئاماژە و ڕامان ژبۆ ڤێ دەستنیشان کرنێ هەنە و ئەو دادپەروەریە بۆ گەلەک زوولم لێکریا . ئەم پیرۆزباهیێ ل کەچا خۆ یا خۆشتڤی نادیا مراد دکەین بۆ ڤی پۆستی ،وجهێ شانازی وخۆشحالیا مەیە ،و ئەم دووپات دکەین کو گرنگی پێدانا نێڤ دەولەتی ونێڤ نەتەوەی ب ئازارێن کوردێن ئێزدی پشتی داگیرکرنا دەڤەرێن وان ژئالیێ چەتەیێن داعش ڤە گرنگییا خۆیا فەرمی دەستپێکریە .ژبلی وێ گرنگیا مللی یا مەزن ل هەمی قوولاچکێن جودا جوداێن جیهانێ ،ئەڤ چەندە وەرچەرخانەکا گرنگە بۆ بادەکا رەفتارێ دگەل بادەکا ـ جینۆسایدا ـ ئێزدیان ،و پێدڤیە بهێتە بەرهەمئینان ژبۆ ئاراستەیا نێڤ دەولەتی و نێڤ نەتەوەی ب شێوازەکی راستەقینە.
بێگومان هێشتا ب هەزارا کەچ وئافرەتێن مە ماینە وەک سەبایا لبن دڕندایەتیا چەتەیێن داعش ودیڤەلانکێن وان،و ب سەدان زاروک وزەلامێن ئێزدیان لبن دەستێ واندا نە وەک دیل ،وئەم داکۆکیێ ل داخوازیا خۆ دکەین کو هەمی هەول بهێنەکرن ژبۆ رزگارکرنا وان،ودووپات دکەین کو جڤاکێ ئێزدی ب دلخۆشی چاڤەریێ زڤرینا وانە ژبۆ باوەشا کەس وکارێن وان، وهەر وەسا ئەم درژدین کو هەمی گرتێن ئێزدیان جهێ رێزگرتن و شانازیامەنە وەکی ئەو جهێ رێزگرتنا جڤاکێ ئێزدی و کەس وکارێن خۆ .و هەمی ل هیڤیا هاتنا وانن، وەک ئازادبووی و قوورتا بووی ژ گەڕا چەوساندن و کۆلەتیێ ،وهەر ئێزدیەکا رزگاربوویێ دهژمێرین ژییەکی نوو بۆ هاتیە نڤیسین. ئاماژی ددەین کو دەستنیشان کرنا نادیا مراد وەک بالیۆزا نیازپاکیێ ئەو کارەکی هەری گرنگە ژبۆ مە، وجهێ دلخۆشیا جڤاکێ ئێزدی یە، ودهەمان دەمدا ئەو ئێکەمین ئەرک و سومبلە بۆ کەسایەتیەکا ئێزدی بۆ پۆستەکی نێڤ نەتەوەی وەک ڤی،ولسەر ڤی چەندێ جڤاکا نێڤ دەولەتی داخوازی دکەت گرنگیێ بدەنە جڤاکێ ئێزدی ژبەر وان هێرشێن قرکرنێ ئەوێن هاتینە سەروان ل چەرخێن بۆری ،بئەگەرا جێوازیا دینی ژ دەورووبەرێن وان. وهەر وەسا ئەو تووشی زولم وچەوساندنێ زوون بئەگەرا ژێیاتیا خۆیا نەتەوی یا کوردی. ورژدیێ دکین کو جڤاکێ ئێزدی تووشی مەرگەساتەکا ژناڤبرنێ بوو ،و ئەو ل بوویەرێن زیندی دگەریێت داکو جارەکا دی بسەرخۆڤە بێتەڤە ، وناسناڤ وپلە وپایە و پۆستێن پرۆتۆکۆلی نەبەسن ـ دگەل رێزگرتنێن مە بۆ وان ـ چێدبیت ئەم ببینین کو دگەل ئازارێن ب سەدان هەزارێن خەلکێ مەیێ ئاوارە ناگونجن،وچەند هەزارێن هندابووی وگرتی ،تاکو ئەو پلە وپایە نەهێنە بکارئینان ژبۆ چارەسەریا برینا گووراخەلکێ مەیێ زولم لێکری . جنکو ئەم ل چارەسەریەکێ دگەریێن بۆ وی برینێ، ونە بۆ بەنجەکا دەمکی ،و مەدڤێت ئازارێن وان بکاربینین ژبۆ چارەسەزیا ئێشێن وان ،ودیتنا چارەکا ریشەیی بۆ ئێشێن وان ونەهێلانا دووبارەکرنا ڤان روودانێن دلتەزین و کرێت،ژبەرکو ئەم چاڤەریێ ڤێ چەندێ نە ژ رولێ نێڤ نەتەوی نە بۆ رەفتارکرنێ دگەل برینا ئێزدیان. و ئەم دووپات دکەینەڤە کو کەچا مە نادیا مراد ژهەژی ڤی پۆستی یە ،وئەو بسەرڤەیە ژبۆ گەهاندنا ئازارێن هەمی زولم لێکریا بۆ ناڤەندێن نێڤ دەولەتی ،ئەم هەمی پێگیریا خۆ دووبارە دکەین بۆ پالپشتیاوی یا مەعنەوی ی تەمام ،هەر وەکی مە بەریا نهۆژی پالپشتیا وێ کری.
هەژی ئاماژە پێکرنێە بۆ گرنگیدان وبەردەوامیا پالپشتیا نێڤ دەولەتی بۆ جڤاکێ ئێزدیوبۆ ئاوارەیان ورزگاربووین ئێزدیان ژ دەستێ داعش،چ بشێوێ مادی و چ بمەعنەوی ، وب هەڤکاری دگەل حکومەتا هەرێما کوردستانێ یا پڕ هێژا ،یاکو هیچ درێغی نەکری د ئەرکێ خۆدا لبەرامبەر وێ ئازار و مەرگەساتا هاتیە سەر خەلکێ مە ،ژبەکو ئەم بەشەک و پێکهاتەکا رەسەنین ژ گەلێ کوردستانێ .
ده‌ستەیا بلدا بنگەهێ لالش یێ رەوشەنبیری وکۆمەلایەتی
دهۆک 26 ـ 8ـ2016
تُتاح هذه الصورة أيضا في: کوردی
