رێكخستنا خۆلەكێ ل دۆر گەنج بۆ چارەسەركرنا ناكۆكیان ل شاریا
تۆرا لالش یا راگەهاندنێ
بنگەهێ لالش تایێ شاریا ب هەڤكاری لگەل رێكخراوا هسد بۆ گەشەپێدنا جڤاكی و كۆمەلا چاڤدێریكرنا رۆژنامەڤانی و راگەهاندنێ و رێكخراوا داك یا ژنێ و ب تەمویلا سندۆقا نەتەوەیێن ئێكگرتی بۆ پشتەڤانیكرنا دیموكراسیێ(UNDEF)،خۆلەكا راهێنانكرنێ بۆ ژمارەكا گەنجان ژهەردوو رەگەزان ل كۆمەلگەها شاریا رێكخست،كو ژ پرۆژێ (گەنجێ عێراقی بۆ چارەسەركرنا ناكۆكیان)بوو ل پارێزگەها دهۆكێ.
ئەڤ خۆلە ل دۆر(رێیێن چارەسەركرنا ناكۆكیان و شرۆڤەكرنا ناكۆكیان و جۆرێن ناكۆكیان) و چەند بابەتێن دی بوو، ل رێككەفتی 25/8/2016و ب پشكداریا 30گەنجان ژ هەردوو رەگەزان ژ ئاوارێن شنگال و خەلكێ شاریا ل كۆمەلگەهێ هاتبوو ڤەكرن و بۆ ماوێ دوو رۆژان یا بەردەوام بوو.
خۆلا ناڤبرى ژبال راهێنەرا نێڤ دەولەتی”ئەكرەم كامل” دهاتە ب رێڤەبرن و ب ئامادەبوونا چالاكڤان”كاوە عیدو”رێكخەرێ گشتی یێ رێكخراوا هسد بۆ پرۆژێ(گەنجێ عێراقی بۆ چارەسەركرنا ناكۆكیان) ب پشتەڤانیا (UNDEF)ل پارێزگەهێن دهۆك وهەولێرێ و “سەعدی دەروێش”راهێنەرێ گەنجێن عێراقی بۆ چارەسه‌ركرنا ناكۆكیان.
تُتاح هذه الصورة أيضا في: کوردی
