رێڤەبەرێ ساخلەمیا دهۆكێ وانەك دكەمپینا لالش دا پێشكێشكر
تۆرا لالش یا راگەهاندنێ
دكەمپینا لالش بۆ رەوشەنبیریا نەتەوەیی یا بنگەهێ لالش ل دهۆكێ بۆ نێزیكی 120قوتابیێن شنگالێ ل سەیرانگەها ئامەد ل ناوچەدارییا زاویتە ڤەكری،”د.نزار عسمەت”رێڤەبەرێ رێڤەبەرییا گشتی يا ساخلەمیا پارێزگەها دهۆكی وانەك دوارێ ساخلەمی و سایكلۆژی دا بۆ قوتابیان پێشكێشكر.
ئەڤ وانە ژ دوو تەوەران پێكهاتی بوو،دتەوەرێ ئێكێ دا “د. نزار عسمەت” ل سەر رۆلێ رێڤەبەریێ دەربارەی كارەساتا شنگالێ ئاخڤی و پاشان چەندین راسباردە و شیرەتێن دەروونی بۆ قوتابیان پێشكێشكرن و ب تێر و تەسەلی بەحسێ چاوانیا هاریكاریا ساخلەمیێ كر بۆ ڤێ كارەساتێ،دتەوەرێ دووێ دا دیاركر كو پێتڤیە گەنج ل سەر بنیاتەكێ باوەری ب خۆ هەبوونێ بێتە ئاڤاكرن تایبەت گەنجێن شنگالێ راستە گەلەك ماندیبوون دیتن، لێ دڤێت ئیرادا وان نێتە خوارێ و ژلایێ ساخلەمیێ ڤە دبەرهەڤ بن خزمەتا خەلكێ خۆ بكن.
تُتاح هذه الصورة أيضا في: کوردی
