ل شێخان کەمپه‌كا نوو دێ بۆ ئاواره‌يان ئێته ڤه‌كرن
رووداو- دهۆک
کەمپی مام رەش لە سنووری قەزای شێخان دەکرێتەوە و کونسوڵی ئەڵمانیاش سەردانی کەمپەکە دەکات بۆ ئاگاداربوون لە دۆخی ئاوارەکان. کەمپەکە لەگەڵ خوێندنگەیەک و بنکەیەکی تەندروستی لەلایەن حکومەتی ئەڵمانیاوە دروستکراوە.
سلێمان ئالیخان، بەرپرسی نووسینگەی رووداو لە دهۆک رایگەیاند، بڕیارە کەمپێکی نوێ بەناوی کەمپی مام رەش لە شارۆچکەی شێخان بۆ ئاوارەکان بکرێتەوە، ئێستا کەمپەکە نزیکەی 850 خێزانی کوردی ئێزدی تێدا نیشتەجێن.
بەرپرسی نووسینگەی رووداو لە دهۆک ئاماژەی بەوەش کرد، ئەمڕۆ دووشەممە 1ی ئابی 2016 کونسوڵی ئەڵمانیا بەهاوکاری بەرپرسە ئیدارییەکانی پارێزگای دهۆک سەردانی کەمپەکە دەکات و لەنزیکەوە دۆخی ئاوارەکان دەبینێت.
سلێمان ئالیخان گوتیشی “لە کەمپەکەدا 296 کابینە زیادکراون بۆ ئەوەی ژمارەیەكی زۆرتر ئاوارەی تێدا نیشتەجێ بکرێن و خەڵکی دیکەی ئاوارە لە کەمپەکەدا وەردەگیرێن، هەروەها کەمپەکە لەگەڵ خوێندنگەیەک و بنکەیەکی تەندروستی لەلایەن حکومەتی ئەڵمانیاوە دروستکراوە”.
تُتاح هذه الصورة أيضا في: کوردی
